Amos 5:27 - Bible Ni Thothup

²⁷ nge un ngomed u nap’an ni gu ra fekmed ni kalbus nga wuru’ e nam nga ba’nem yu Damaskus.” Ara’ rogon ni be yog SOMOL, ni fithingan e Got ni Gubin ma Rayag Rok.

Amos 5:27 Referans Kwoze

Acts 7:43

Ya tent rok fare got ni Molok e um feked i yan, nge fare liyos ni ya’an fare t’uf rok fare got romed i Refan; yad bogi liyos ni kam ngongliyed ni ngu’um meybilgad ngay. Ere bay gu pi’med ngam marod nga ba’nem yu Babylon.’

2 Kings 17:6

ni aram e duw ni mereb ko gagiyeg rok Hoshea, me kol fare pilung nu Assyria yu Samaria u tan e mael, me fek piyu Israel nga Assyria ni yad bogi kalbus, me tay boch i yad ngar pired u lan fare binaw nu Halah, ma boch e ra pired u to’oben fare Lul’ ni Habor u lan fa re gi nug nu Gozan ma boch e ra pired u lan fapi binaw nu Media.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

Jeremiah 38:17

Mug ga’ar ngak Zedekiah, “I SOMOL ni Gubin ma Rayag Rok, ni ir e Got nu Israel, e ke ga’ar, “Fa’an ga ra pi’em nga pa’ e pi tolang ko salthaw rok e pilung nu Babylon, ma dab ni thang e pogofan rom ma dab ni urfiy e re binaw ney. Me gur nge girdi’ u tabinaw rom e dab ni thang e fan romed.

Amos 5:26

Me’ere chiney, bochan ni gimed be tay fan fapi ya’an Sakkuth ni ir e pilung ko got romed, nge Kaiwan ni ir e got romed ko pi t’uf, ere mfeked e pi fon romed nem ni gimed e mu ngongliyed

Amos 6:1

Kar mu gafgow gad e pi’in ni gimed be par u Zion nib mom urngin ban’en ngomed ndariy ban’en ni be magafan’med ngay, nge gimed e pi’in ni kam pired u Samaria ni gimed be finey ndariy ban’en nra buch romed, ni gimed e pi tagagiyeg ni gilbugwan ko fare nam nu Israel nib ga’, gimed e pi’in ma yib e girdi’ ngomed ni ngam ayuweged!

1 Kings 14:15

Me SOMOL e bayi gechignag yu Israel, ma bayi rur yu Israel ni bod e uchel u mnalul’ ni be aw e ran ngay be rur. Bayi pug lik’ngin e girdi’ nu Israel u but’ ko re nam ney nib manigil nni pi’ ngak e pi ga’ rorad kakrom, ma bayi weregrad i yan nge pag e Lul’ ni Eufrates, ni bochan e kar k’aringed e damumuw ngak ko pi liyos nra ngongliyed ni ya’an fare got ni bpin ni Asherah.

2 Kings 17:23

nge mada’ ko ngiyal’ ni chuwegrad SOMOL u p’eowchen, ni bod nike yog u daken fapi tapigpig rok ni pi profet nra rin’. Ma aram min fek e girdi’ nu Israel ni kalbus nga Assyria ni ka aram e gin ni yad bay riy.

Amos 6:7

Ere gimed e som’on ni bay ni fekmed nga reb e nam ngam kalbus gad. Pi madnom nge pi mur ni gimed be tay e bayi m’ay.