Amos 5:25 - Bible Ni Thothup

²⁵ “Gimed e girdi’ nu Israel, da gu tay chiylen ngomed ni ngu’um pi’ed e maligach ni gamanman nge ku boch ban’en ngog u nap’an fa aningeg i ragag e duw ni fa’an u gu pow’iymed u daken e ted.

Amos 5:25 Referans Kwoze

Ezekiel 20:8

Machane mikyad par ni yad be togopluw ngog ndarir motoyilgad. Dar n’aged fapi liyos rorad nib sunsonogor ara rapged i tayfan fapi got nu Egypt. Kug fal’eg rogog ni nggu gechig nagrad ngar thamiyed ga’ngin gelngin e damumuw rog u rom u Egypt.

Nehemiah 9:18

Ra ngongliyed ba liyos ni bod ya’an ba garbaw, miyad yog ni ir fare kan ni fekrad nga wuru’ yu Egypt! SOMOL, rib ga’ e dariy fan nra ted ngom!

Nehemiah 9:21

Urngin ban’en ni nge yag ngorad u daken e ted i yan e um pi’ ngorad ni aningeg i ragag e duw; mi i par e mad rorad nde wod, ma rifrif u ayrad e de thow nge amith.

Joshua 24:14

Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.

Levitikus 17:7

Fapi girdi’ nu Israel e thingar yul’yul’gad ngak SOMOL ya nga dab kur li’ed e gamanman u lan e yung i tafelfel’ ni nge mang maligach ko fare kaming ni mo’oniyan’. Girdi’ nu Israel e thingar ra folgad pi gafal ney e chiney i yan ngaram.

Zekariah 7:5

Ni be ga’ar, “Mog ko girdi’ ko fare nam nge pi prist ni nap’an ni urpaged e abich ma yad be mawaw u lan e pi pul ni lal nge medlip u nap’an re medlip i ragag e duw ney, ma gathi gag e ur tedfag riy.

Ezekiel 20:24

Gu rin’ e biney ni bochan e kar pi’ed keru’rad ko thin rog, ma kar th’abed e motochiyel rog, ma kar dariyfan naged e Sabbath, ma yad be tayfan fapi liyos ni i pigpig e pi chitamangirad ngay.

Ezekiel 20:16

Gu micheg ni aram rogon ni bochan e ra furuyed e thin rog, nge motochiyel rog, miyad dariyfannag e Sabbath, miyad duwgiliy ni ngar tedfan e pi liyos rorad.