Amos 5:16 - Bible Ni Thothup

¹⁶ SOMOL ni Th’abi Tolang ma Gubin ma Rayag Rok e be ga’ar, “Bay i dololoy’ e girdi’ ma yad be yor ko amith u lan e yu pa’ i kanawo’ u lan binaw. Girdi’ ni be woldug e bay ni piningrad ni ngarbad ngar dololoy’ niged e yam’ ni ngar cheggad ngak e pi’in ni yima pi’ puluwrad ngar dololoy’ niged e yam’.”

Amos 5:16 Referans Kwoze

Joel 1:11

Nge kireban’med e pi’in gimed ma woldug; mu yorgad e pi’in gimed ma ayuweg e woldug ni grape, ya wheat nge barley, nge urngin e woldug e ke kireb.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Revelation 18:19

Miyad wereg e ab nga fithik’ i lolugrad, miyad yor ma yad be dololoy’ ni be lungurad, “Kari gafgow fare binaw nib gilbuguwan! Yi ir fare binaw ni urngin e girdi’ ni bay e barkow rorad ni be yan u maday e yo’or ban’en rorad ko fel’ rogon rok! Ma ke mul urngin ban’en u pa’ u lan ta’reb e awa!”

Revelation 18:10

Bay ra sak’iygad u orel rok, ni bochan e yad be tamdag ko re gafgow nem nike yib ngak, me lungurad, “Kari gafgow i gafgow e re binaw ney nu Babylon nib gilbuguwan ma ba gel! Ri ta’reb e awa ma ka ni mu’ i gechig nigem!”

Mikah 2:4

Nap’an nra taw ko ngiyal’nem, ma ba’aray ba tang ni bay i yin’ e girdi’ ni murung’agen e gafgow nike yib ngomed. Bayi ga’ar e re tang nem: Ke mul urngin u pa’dad! I SOMOL e ke fek e binaw rodad u pa’dad. Ke pi’ ngak e pi’in kar koled gadad kad manged kalbus rorad.”

Mikah 1:8

Me ga’ar Mikah, “Bay gu yor mu gu dololoy’ ni bochan e ren’ey. Bay ug wan ndab ku gon’ e sus ma dariy e mad u dakenag, ngan nang gelngin e kireban’ ni kug tay. Bay ug yor ni bod ba gamanman ni jackal mu ug dololoy’ ni bod ba arche’ ni ostrich.

Amos 8:10

Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Amos 5:27

nge un ngomed u nap’an ni gu ra fekmed ni kalbus nga wuru’ e nam nga ba’nem yu Damaskus.” Ara’ rogon ni be yog SOMOL, ni fithingan e Got ni Gubin ma Rayag Rok.

Amos 3:13

Be ga’ar SOMOL ni Th’abi Tolang ma Gubin ma Rayag Rok, “Mu telmed e chiney, ngam ginanged e pi’in ni owchen Jakob.

Joel 1:14

Mu reged e thin ni ngan pag e abich; mi gimed pining e mu’ulung, mu kunuyed e pi’in yad be yog e thin nge urngin e girdi’ nu Judah ngalan e Tempel rok SOMOL ni ir e Got romed, mi gimed yor ngak.

Joel 1:8

Mu yorgad e girdi’, ni bod ba rugod ni be yornag be’ nib mo’on ni kan m’ag e mabgol rorow ma ke yim’.

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Isaiah 15:8

Urngin e pi mathil nu Moab ma yibe rung’ag laman e meyor ngay. Ku ni rung’ag nga Eglaim ngu Beerelim.

2 Kronicles 35:25

Me tunguy Jeremiah ni profet ba dololoy’ ni fen Josiah ni Pilung. Ke mang ba yalen u Israel e ren’ey ni pi’in ma tang ni pumo’on nge ppin e ngu u ron’ed e re tang ney u nap’an ni yad be mowawnag. Re tang ney e yira pir’eg u fithik’ fapi dololoy’ ni ka ni kunuy kan yoloy nga babyor.

Jeremiah 30:5

“Ku gu rung’ag lungun e marus, ni lungun e marus ma gathi gapas.

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Amos 8:3

Chirofen nem e pi tang ni yima yin’ u tafen e pi pilung e bayi piliyeg nge ngal’ ni dololoy’. Bayi sug e girdi’ nike yim’ u gubin yang. Bay u ni garpayrad nga wean ni dariy e numon.”

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”