Acts 9:36 - Bible Ni Thothup

³⁶ Ma bay be’ ni bpin u Joppa ni Tabitha fithingan, ni be’ nib mich Jesus u wan’. (Mi Dorkas fithingan ko thin ni Greek, ni fan e re ngachal nem e ba gamanman ni dir.) Ma par ni tin ni bfel’ e be rin’ ma be ayuweg e pi’in gafgow.

Acts 9:36 Referans Kwoze

Titus 3:8

Re thin ney e ba riyul’. Gub adag ni ngar mu tamilangnag e girdi’ ko yu bugithin ney, ni fan e pi’in nib mich Got u wun’rad e ngar tiyan’rad ngar ngongliyed e ngongol ni bfel’. Ya tiney e bfel’ ma ba ga’ fan ngak e girdi’.

Titus 2:7

Me gur e ngam par ni bfel’ pangim ma bfel’ e ngongol rom u gubin ban’en, ya ngar guyed gur miyad folwok ko ngongol ni bfel’ ni ga be rin’; ngam tiyan’um ma ga yul’yul’ ko machib ni ga be tay.

2 Kronicles 2:16

Bay gu th’abed urngin e ren nib t’uf rom u fithik’ e burey nu Lebanon, mu gu m’aged ni bod e fofot ma gamad fek u maday nge mada’ nga Joppa. Mi gimed fek u rom nga Jerusalem.”

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Acts 10:31

me ga’ar, Kornelius! Ke rung’ag Got e meybil rom, ma manang e maruwel ni kam tay ni ga be ayuweg e pi’in gafgow.

Ezra 3:7

Me pi’ e girdi’ e salpiy ni nga ni pi’ ni puluwon e pi’in ni ba salap i ubung malangen e naun nge girdi’ nib salap ko dimow naun; miyad pi’ e ggan nge garbod nge gapgep ko olive ni nga ni pi’ nge yan ko binaw nu Tyre ngu Sidon ni ngan thiliyeg ko gek’iy ni cedar ni yibe fek u Lebanon ni ngan fek u maday nga Joppa. Nrin’ urngin e pin’ey ni Cyrus ni Emperor nu Persia e pithig e thin riy ngan rin’.

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

1 Thessalonika 4:10

Ma ireray rogon e ngongol ni kam rin’ed ngak urngin e pi’in girdi’en Kristus ni walagmed u lan yu Macedonia ni ga’ngin. Ere gamad be wenig ngomed, pi walagmad ni girdi’en Kristus ni ngu’um athamgilgad boch.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

John 15:8

Ara’ rogon min tayfan e en ni Chitamangiy ni fa’anra yib wom’ngimed ni pire’; aray kanawo’en mi gimed mang pi gachalpeg.

John 15:5

“I gag kenggin e grape, ma gimed papa’ngin. En nra par u fithik’ag, mu gu par u fithik’an, e bo’or wom’ngin nra yib; ya dariy ban’en nrayag romed ni fa’anra da mpethgad ngog.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Proverbs 5:19

ma ba pidorang nib sumnguy fel’ngin ni bod e deer. Ngam par ni gab felfelan’ nga fel’ngin; mu pag nge longbiyem e t’ufeg rok.

Joshua 19:46

Mejarkon, nge Rakkon, ma ku errogon fa gi nug nib liyeg yu Joppa.

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

Tang Ko Pitang 8:14

Adagen an’ug, moy, ni bod ba gamanman ni gazelle, fa ba fak e gamanman ni deer u daken e pi burey ni gin ma tugul e spice riy.

Tang Ko Pitang 3:5

Mmicheged ngog, gimed e ppin nu Jerusalem; mmicheged u daken e deer nib machreg nge gazelle ni dab mmagawon niged e adag romow.

Tang Ko Pitang 2:9

Adag rog e bod e gazelle, fa deer ni kabbitir. Ba’aram nib sak’iy u charen e rungrung. Ni be changar u winda nga naun me damit u thilin e sagel.

Acts 9:38

Ma gin’en nu Joppa nem e de mal’af u Lydda, ma pi’in gachalpen Jesus ni yad bay u Joppa e fa’an rrung’aged ni bay Peter u Lydda, miyad l’oeg l’agruw i pumo’on ngranow rognew ngak ni nge lungurow, “Wenig ngom, mu gur nigem nga mub ngomad.”

Acts 9:42

Me wear murung’agen u lan yu Joppa, ma bo’or e girdi’ ni mich Somol u wun’rad.

Acts 10:8

Me weliy ngorad e n’en nike guy nge tin ke rung’ag me l’oegrad ngranod nga Joppa.

Acts 10:23

Me yog Peter ngorad ni ngarbad nga naun, miyad par u rom e neap’ nem. Me reb e rran riy me fal’eg rogon nge un ngorad; ma boch pi walagrad ni girdi’en Jesus u rom u Joppa e ra uned ngorad ngranod.

Acts 11:5

“Gu be meybil u lan e binaw nu Joppa, mi ni piliyeg e changar rog. Mu gguy ban’en ni be yib u lang i yib nga but’ ni bod ya’an bangi mad ni ba ga’ yang ni kan nguchuruy u tharmiy nga but’ u aningeg i tabthungen, me yib i tal nga to’obeg.

Acts 11:13

Me yog Kornelius ngomad rogon nike guy ba engel u naun rok ni yib i par nib sak’iy, me ga’ar ngak Kornelius, ‘Mol’oeg be’ nga Joppa nge yan i pining be’ nib mo’on ni Simon fithingan, ni ku yima pining Peter ngak.

Matthew 25:17

Ma ku aram rogon e n’en ni rin’ fare tapigpig ni fa’ani pi’ l’agruw biyu’ e salpiy ni wasey ngak ni ki yagnag reb e l’agruw biyu’ riy.