Acts 9:1 - Bible Ni Thothup

¹ Ma re ngiyal’nem e ka be yan Saul ni be yog ni nge thang e pogofan rok e pi’in gachalpen Somol. Me yan ngak fare Prist ni Th’abi Ga’

Acts 9:1 Referans Kwoze

Acts 8:3

Machane me guy Saul rogon ni nge thang mit fare galesiya, ni be yan u reb e naun nga reb ni be girengiy e pi’in ke mich Jesus u wun’rad nga waen, ni pumo’on nge ppin, ngi i yin’rad nga kalbus.

1 Timothy 1:13

ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.

Galatia 1:13

Kan weliy ngomed rogon pangig ni ug par ko ngiyal’ ni ba’aram ni gu be tiyan’ug ngarogon kanawo’en nma liyor piyu Israel ngak Got, nge rogon ni ug gafgownag girdi’en e galesiya rok Got nda ug runguyrad mu ug athamgiliy ni nggu kirebnag.

1 Korinth 15:9

Ya gag e th’abi sobut’ u fithik’ urngin e apostel — ya ri dariy rogog ni nganog ni gag reb e apostel, ni fan e gu gafgownag girdi’en e galesiya rok Got.

Acts 7:58

Miyad girengiy i yan nga wuru’ e binaw miyad malangnag u rom. Ma fa pi’in nra welthingad nib togopluw ngak Stefen u lan tafen e mu’ulung e ra pi’ed e thal ni wuru’ e mad rorad ngak be’ nib mo’on ni kab pagel ni Saul fithingan ni ngi i guy.

Filippi 3:6

ug moy nri gu ma tiyeg ngay, ni aram fan ni ug gafgownag girdi’en e galesiya rok Jesus. Ma rogon nra i fol be’ ko pin’en ni be yog e Motochiyel rok yu Israel me par ni kari mat’aw, e aram rogog ni ug par.

Psalms 27:12

Dab mu n’igeg nga pa’ e to’ogor rog; ni yad be togopluw ngog ko thin ni yad be t’ar nga dakenag ma yad be yog ni ngar rin’ed ban’en ngog.