Acts 8:35 - Bible Ni Thothup

³⁵ Ma aram me tabab Filip ko welthin; ni tabab ko re gin’ey u lan e babyor nib thothup, nge weliy ngak fa’anem fare Thin Ni Bfel’ ni murung’agen Jesus.

Acts 8:35 Referans Kwoze

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

Acts 18:28

Miyad ma lu’ag thin piyu Israel u fithik’ e girdi’ ni yo’or nib el merin me gel ngorad, ni aram e be micheg ngorad u lan fare babyor nib thothup ni Jesus e ir fare Messiah.

1 Korinth 2:2

Ya gu turguy u wun’ug ni nggu pag talin urngin ban’en ko ngiyal’ ni gu bay romed, ma kemus ni Jesus Kristus nri yam’ ni tay u daken e kuruth e ir e nggu tay u lanin’ug.

Acts 28:23

Ma aram miyad yog Paul reb e yar, me yib bo’or i yad ko chirofen nem ko gin ni be par Paul riy. Kadbul nge yan i mada’ ko neap’ ni machibnag ngorad murung’agen e gagiyeg rok Got ma be pithig fan u wun’rad. Me guy rogon ni nge mich murung’agen Jesus u wun’rad ni be yog ngorad e tin nike yog e babyor nib thothup ni murung’agen ko gin ni ba’aram ni bay e Motochiyel rok Moses riy nge tin ni yoloy e pi profet.

Matthew 5:2

ma aram me tabab i machib nagrad ni be ga’ar:

Acts 5:42

Ma aram e urngin e rran nra ul’ulgad ngay ngu’ur filed ngak e girdi’ ma yad be machibnag ngak e girdi’ fare Thin Ni Bfel’ ni murung’agen Jesus, ni ir fare Messiah, ni ur machib niged u lan fare Tempel ngu lan e tabinaw rok e girdi’ i yan.

Efesus 4:21

Ya kari mu rung’aged murung’agen, ma gimed e gimed girdi’en, ere kan fil ngomed e tin nib riyul’ e thin ni ir e ba’ rok Jesus.

2 Korinth 6:11

Tafager rog ni gimed bay u Korinth! Kug welthingad ngomed nda gu tinna’gad ngomed, kug weliyed lanin’mad ngomed.

1 Korinth 1:23

Ma gadad e gadad be weliy murung’agen Kristus nni kuruthnag, ni bbugithin ndabun piyu Israel ma thin ko balyang u wan’ e pi’in gathi yad piyu Israel;

Acts 19:13

Ma boch piyu Israel ni ur milekaggad i yan ngu’ur tulufed e mo’onyan’ rok e girdi’ e ku ra guyed rogon ni ngar maruwelgad nga fithingan Somol Jesus ngar tulufed e mo’onyan’. I lungurad ngak e pi mo’onyan’, “Gu be non ngomed u fithingan Jesus ni ir e be machibnag Paul murung’agen, ni ngam chuwgad.”

Acts 11:20

Machane boch e pi’in ke mich Jesus u wun’rad, ni pi’in pumo’on nrabad u Cyprus ngu Cyrene, e ranod nga Antiok mu ku ra weliyed e Thin rok Got ngak e pi Gentile ni aram e yad be machibnag ngorad fare Thin Ni Bfel’ ni murung’agen Jesus.

Acts 10:34

Me tabab Peter ko welthin ni ga’ar, “Ka fin gu nang e chiney nriyul’ ni gubin e girdi’ ma ta’reb rogorad u wan’ Got.

Acts 9:20

Mi i yan u lan tafen e mu’ulung i yan, ni aram e ke tabab i machibnag murung’agen Jesus ni be ga’ar, “I Jesus e ir fa’anem ni Fak Got.”

Acts 3:20

me yib ngal’an e gel gelngimed ni nge yib rok Somol, ma aram me yag ni pi’ Jesus nge yib ngomed, ni ir fare Messiah ni kem’ay i duwgiliy rok Got ni nge yib fan ngomed.

Acts 17:18

Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

Acts 8:34

Me ga’ar fa’anem nib tolang ngak Filip, “Mog ngog ko mini’ e cha’ney ni be weliy e profet murung’agen. Ir e be weliy murung’agen ara yugu be’ e be weliy murung’agen?”