Acts 8:31 - Bible Ni Thothup

³¹ Me fulweg fare mo’on nib tolang ni ga’ar, “Uw rogon mu gu nang fan ni fa’anra dabi weliy be’ fan ngog?” Me yog ngak Filip ni nge yib ngak ngalang nge par nga to’oben u daken e karrow.

Acts 8:31 Referans Kwoze

Roma 10:14

Machane ra di’in miyad non ngak ni fa’anra dawori michan’rad ngak? Mra di’in me michan’rad ni fa’anra dawor rrung’aged e thin rok? Mra di’in miyad rung’ag ni fa’anra danir machibnag e thin rok?

1 Korinth 8:2

En nra finey ni manang ban’en e rib muduwgil nde nang ni bod rogon nsusun e nge nang.

James 1:21

Ere mu n’iged urngin e ngongol romed nib golong ni kam mechamgad riy nge urngin i pangimed nib kireb. Mpired u tan pa’ Got ma gimed be fol ko thin rok nike yung nga lanin’med, ya ireray e ren’en nra i ta’med rok Got.

James 1:10

ma en ni walagdad ni girdi’en Kristus ni be’ ni pire’ ban’en rok e thingari felan’, ya ke sobut’nag Got laniyan’. Ya cha’ ni pire’ ban’en rok e bay yim’ nge yan ni bod ba floras ni puf u ba ke floras ni bay u fithik’ e pan.

1 Korinth 3:18

Dariy be’ ni nge bannag ir. Fa’anra bay be’ u fithik’med ni be finey ni ir be’ nib gonop nrogon e leam nma tay e girdi’ nib mil farad ko re fayleng ney, ma nge tay ndariy ban’en ni manang, ni bochan e ngari yag ni mang be’ nib gonop.

Mark 10:15

Mu ted fanmediyan ko re bugithin ney! En ni dabi bodnag ir bochi tir nge pag ir nga pa’ Got nge mang Got e i gagiyegnag e dabiyag nra yan ko gin nsuwon Got.”

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Psalms 73:22

ngiyal’nem e ug par ni gub manan’ ni bod ba gamanman; da ug nangfan e tin ni um rin’.

2 Kings 5:26

Me ga’ar Elisa ngak, “Lanin’ug e immoy u rom ko fa ngiyal’nem ni log fare mo’on u chariot rok nga but’ ni ngam nonow. Gathi irera’ ngal’an ni ngan fek e salpiy, nge mad, nge yungi woldug ni olive nge yungi woldug ni grape, nge saf, nge garbaw, ara tapigpig.

2 Kings 5:9

Me yan Naaman u karrow rok ni be girengiy e os, me yib i tal nga langan e mab ko naun rok Elisa.

Acts 8:30

Me mil Filip i yan me rung’ag ni be be’eg e thin ko fare babyor ni yoloy Isaiah ni profet. Ma aram me fith ngak ni ga’ar, “Mog, ga be nang fan e pi n’ir ni ga be be’eg?”

Acts 8:32

Ma gin’en ni bay u lan e babyor nib thothup ni ir e be be’eg e ba’aray ni be ga’ar: “I ir e bod rogon ba saf nni fek i yan ni ngan li’ ngem’, i ir e bod rogon ba fak e saf nde non ko ngiyal’ nth’ab bunu’en. De yog ta’ab bugithin.