Acts 7:54 - Bible Ni Thothup

⁵⁴ Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

Acts 7:54 Referans Kwoze

Acts 5:33

Ma fa’ani rung’ag girdi’en fare ulung e re bugithin ney me ri gel e damumuw ngorad, miyad duwgiliy ni ngan thang e pogofan rok fapi apostel.

Psalms 35:16

Ni bod e pi’in yad ma moningnag be’ nib mugutgut, yad be gatfeg owcharad ngog ni yad be fananikayeg.

Luke 13:28

Ri bay um yorgad ma be chachafin nguwelmed ko ngiyal’ ni bay mu guyed Abraham, nge Isak, nge Jakob, nge urngin e pi profet ni yad bay ko gin nsuwon Got, ma kan taymed u wuru’!

Matthew 25:30

Ma re tapigpig ney ndariy ban’en ni bfel’ ngay e mon’ed nga wean nga fithik’ e lumor; ngi i yor ma be chachafin nguwelen u rom.’

Matthew 13:50

ngron’ed yad ngalan fare stof ni be yik’, ni ireram e gin ni bay ur yorgad riy ma be chachafin nguwelrad.

BABYOR NI JOB 16:9

Ke popofeg Got nga but u fithik’ e damumuw; be gatfiy lanmit ngog u fithik’ e fanenikan.

Matthew 24:51

Fare masta e bayi theth’ab fa’anem nnochiyang min uneg ko n’en ni ngan rin’ ngak fa picha’ ni yad ma dake moding niged yad. Ni aram e gin bay i yor riy ma be chachafin nguwelen.

Matthew 22:13

Ma aram me ga’ar fare pilung ngak fapi tapigpig rok, ‘Mm’aged pa’ nge ay nga mon’ed nga wuru’ e naun nga fithik’ e lumor. Ya aram e gin ni bay i yor riy ma be chachafin nguwelen.’ ”

Matthew 13:42

nga ron’ed yad ngalan fare stof ni be yik’ ko gin ni bay ur yorgad riy ma be chachafin nguwelrad.

Matthew 8:12

Ma pi’in nsusun e ngar pired ko gin nsuwon Got e bay nin’rad nga wuru’ e gin nsuwon Got nga fithik’ e lumor, ko gin ni bay ur yorgad riy ma be chachafin nguwelrad.”

Lamentations 2:16

Urngin e to’ogor ma yad be moning nagem yad be changar ngom u fithik’ e fananikan. Ni yad be thilpiriy l’ugunrad ma yad be kirebnag owcharad ma yad be ga’ar, “Kad thirifed u but’! Irera’ fare rran ni ku’ud son niged!”

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.