Acts 7:42 - Bible Ni Thothup

⁴² Ma aram me pi’ Got keru’ ngorad, nge pagrad ngu’ur meybilgad ko t’uf u lanelang, ni bod rogon ni bay ni kan yoloy u lan fare babyor rok e pi profet ni fa’ani be ga’ar: ‘Piyu Israel! Gathi gag e um li’ed e gamanman ngu’um pi’ed ngog ni maligach ni aningeg i ragag e duw u daken fa gi ted.

Acts 7:42 Referans Kwoze

Ezekiel 20:39

I SOMOL ni Th’abi Tolang e ga’ar, “Ma chiney, e gimed gubin piyu Israel, mu guyed e n’en ni ngam rin’ed! Mpired riy ngu’um tedfan e pi liyos romed.” Machane gu be yog ngomed ni tomuren e bine’ e bay mu folgad rog migmed tal i m’aynag fan fithingag nib thothup ko pi tow’ath ni gimed be pi’ ko pi liyos romed.

Jeremiah 19:13

Pi naun nu Jerusalem, nge pi naun ntafen e pi pilung nu Judah, nge urngin e naun ni ku un urfiy e incense u daken e chigiy riy ni maligach ngak e pi t’uf ma ku ir e un ngal’weg e wayin riy ni maligach ngak yugu boch e got, e bayi par nike ta’ay ni bod rogon yu Tofeth.”

Deuteronomy 4:19

Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,

Isaiah 63:10

machane miyad togopluw ngak, me kireban’ SOMOL. Ma aram me par nike mang to’ogor rorad me cham ngorad.

Acts 7:36

nge fek e girdi’ nu Israel nga wuru’ yu Egypt, mi i ngongliy e maang’ang nge bogi n’en ni un ngat ngay u lan yu Egypt ngu lan fa gi day ni Red Sea, ngu daken e ted ni aningeg i ragag e duw.

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Ezekiel 8:16

Ma aram me fekeg ngalan e yoror ko Tempel. U rom u charen e gin yima yan riy ngalan e garog ko gin nib thothup, u thilin e altar nge baranda’ ma bay rliw’ nge lal i pumo’on riy. Ni kar pi’ed keru’rad ko gin ba thothup ni yad be siro’ ko ngek, ni yad be tayfan e yal’ ni be yib ngalang.

Isaiah 66:4

Ere bay gu fek i yib e riya’ nga dakenrad ni pin’en nri yad ma rus ngay, ni bochan e dariy be’ ni fulweg lungug ko ngiyal’ ni kug pong ara motoyil ngog ko ngiyal’ ni gu be non. Kar turguyed ni nge dab ra folgad rog ngar rin’ed e kireb.”

Joshua 24:20

ni fa’an gimed ra pag SOMOL ngam pigpiggad ngak yugu boch e got u boch e nam, ma aram e ra pig i cheal ngomed nge gechig nagmed. Ma ra li’med ngam m’ad, ni yugu aram rogon ni i par ni be ngongliy e tin ni bfel’ ngomed ko som’on.”

Ezekiel 20:25

“Ma aram ma gu pi’ e motochiyel ngorad nde fel’ nge thin ndar ma pi’ e yafos.

Psalms 95:10

Aningeg i ragag e duw nri gu dabuy e ngongol rok e pi girdi’ nem; i lungug, ‘Ri darir yul’yul’gad! Ya ra siyegged ni ngar rin’ed e tin ni kugog ngorad ni ngar rin’ed.’

2 Kings 21:3

Miki toy bayay fa yungi tagil e tayfan ni fa’an ni gathay i Hezekiah ni chitamngin; i ubung e pi altar ni fen e tayfan ngak Baal me ngongliy ba liyos ni ya’an fare got ni bpin ni Asherah, ni bod ni rin’ Ahab ni Pilung nu Israel. Manasseh e ki un i tayfan e pi t’uf.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

Deuteronomy 17:3

ni bochan e be pigpig ma be tay fan yug boch e got, ara yal’, ara pul, ara t’uf, nib togopluw ko tin keyog SOMOL.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Hebrews 3:9

I yog Got ni ga’ar, Ireram e gin’en ni sikengnag pi chitamangimed e gumaen’ rog nge fenag k’adan’ riy, ni yugu aram rogon ni nga aningeg i ragag e duw ni kar guyed e tin kug rin’.

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

Acts 13:40

Ere mu ayuwgad, ya fare n’en nike yog fapi profet e nge dabi buch romed ni lungurad: