Acts 7:37 - Bible Ni Thothup

³⁷ I ir fare Moses ni yog ngak piyu Israel ni ga’ar, I Got e bayi pi’ ba profet nge yib ngomed, ni be’ ni bayi sum romed ni bod rogog ni pi’eg nggub ngomed.

Acts 7:37 Referans Kwoze

John 18:37

Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

Acts 7:38

I ir fa’anem ni mu’ulung piyu Israel nga daken bangi ted ma bay rorad; immoy u rom ni yad e pi chitamangidad nge fare engel ni fa’ani welthin ngak u daken e burey ni Sinai; ni weliy e thin rok Got ngak ni nge mang ir e fek e re thin rok Got nem nge pi’ ngodad, ni aram fare thin ni bay e yafos riy.

Luke 9:35

Me non ba lam u fithik’ fa gi manileng ni ga’ar, “Ireray Fakag, ni ir e kug turguy — ere mu telmed ngak!”

Mark 9:7

Me yib i m’ug bangi manileng nge tagalul’ nagrad, me yib ba lam u fithik’ fa gi manileng ni ga’ar, “Ireray Fakag nrib t’uf rog, ere mu telmed ngak!”

Daniel 6:13

Ma aram miyad weliy ngak e en ni pilung ni lungurad, “Fa’anem i Daniel, ni reb fapi kalbus nni fekrad u Judah ngaray, e der tayfam i gur pilung, ma der fol ko fare motochiyel ni kam pi’. Ya be meybil ni dalip yay u reb e rran.”

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Matthew 21:11

Me fulweg fapi girdi’ ni pire’ ni pire’ ni be lungurad, “Ireray fare profet i Jesus ni yib u Nazareth nib binaw ni bay u lan yu Galile.”