Acts 5:38 - Bible Ni Thothup

³⁸ Ere biney e chiney e nggog ngomed ni dab mu rin’ed ban’en nib togopluw ngak e pi cha’ney. Mpaged yad, ya fa’anra tin ni yad be leamnag nge tin yad be muruwliy e sum rok e girdi’, ma bayi m’ay;

Acts 5:38 Referans Kwoze

Matthew 15:13

Me fulweg Jesus ni ga’ar, “Urngin ban’en nde yung e Chitamag nu tharmiy e yira pug ngalang.

Lamentations 3:37

Tiriggil rok Somol e gubin ngiyal’ nma yan ni bfel’ rogon ni dabiyag i thilyeg.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

1 Korinth 3:19

Ya n’en ni be tafinaynag e pi’in nib mil farad ko re fayleng ney ni aram e gonop, e bm’ay fan u p’eowchen Got. Ni bod rogon ni be yog e babyor nib thothup ni be ga’ar, “Gonop nge llowan’ rok e girdi’ e ir e ma maruwel Got ngay nge mang wup ngak e girdi’ ”;

John 11:48

Fa’anra da paged ngi i yodorom ma urngin e girdi’ ni bayi mich e cha’nem u wun’rad, ma aram me pigicheal e am nu Roma ngar kireb niged e Tempel nge nam rodad!”

Isaiah 14:25

Bay gu thang mit yu Assyria u daken e but’ nu Israel nggu yot’yot’rad nga but’ u daken e pi burey rog. Bay gu chuweg e pi girdi’eg u tanggin gilban piyu Assyria ngu tanggin e pi tomal ni immoy u porad.

Nehemiah 4:15

Me rung’ag e pi to’ogor rodad ni kadnanged e tin kar makath niged, miyad nang u wun’rad nike kirebnag Got e tin ni karpuruy’ niged. Ma aram magdad sul ngad ubungiyed fare yoror.

Acts 5:35

ma aram me ga’ar ngak fare ulung, “Piyu Israel, mu ayuwgad u rogon e n’en ni ngam rin’ed ngak e pi pumo’on nem.

Mark 11:30

Mogned ngog ko uw e yib mat’wun John riy ni ngi i tawfe, i yib rok Got fe yib rok e girdi’?”