Acts 4:1 - Bible Ni Thothup

¹ Ka be welthin Peter nge John ngak fapi girdi’ me yib e pi prist ngorow, nge be’ nib tolang ni ir e ma yog e thin rok e pi’in matnagen e Tempel, nge pi Sadduse.

Acts 4:1 Referans Kwoze

Luke 22:4

Ma aram me pagrad Judas nge yan i non ngak e pi tolang ko prist nge ngak e pi pilungen matnagen e Tempel u rogon ni nge yagnag Jesus ngorad.

Acts 6:12

Ireray kanawo’en miyad k’aring e damumuw ngak e girdi’, nge pi’in pi’ilal, nge pi tamchib ko Motochiyel. Miyad yib ngak Stefen ngar koled, miyad fek i yan nga p’eowchen fare ulung.

Acts 5:26

Ma aram me yan fa’anem ni ir e bay matnagen e Tempel u tan pa’ ni yad e tirok’ e girdi’ ngranod ra fulweged fapi apostel. Machane dar gel niged yad ngorad, ni bochan e yad be rus nrichey me malang nagrad e girdi’.

Acts 5:24

Ma fa’ani rung’ag e en ni ir e mmil fan e pi’in nmatnagen e Tempel ngak nge pi tolang ko prist, mu ur fithed yad ko n’en nike rin’ fapi apostel.

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Acts 4:6

Ngar puruy’gad Annas ni ir fare Prist ni Th’abi Ga’, nge Kaifas, nge John, nge Alexander, nge pi’in girdi’en e tabinaw rok fare Prist ni Th’abi Ga’.

John 18:3

Ma aram me yan Judas ko gin’em nike un ba ulung i salthaw ngak nge boch i matanagen e Tempel ni pi’rad e pi tolang ko prist nge pi Farise, ranod ni kar feked talin e cham, nge magal, nge nifiy.

John 15:20

Mu ted fanmediyan ko n’en ni kugog ngomed: Dariy reb e sib ni ba ga’ ngak e masta rok. Fa’anra kar gafgow niged gag, ma bay kur gafgow niged gimed; ma fa’anra kar folgad ko thin rog, ma bay kur folgad ko thin romed.

Matthew 27:41

Ma ku aram rogon e moning ni tay e pi tolang ko prist nge pi tamchib ko Motochiyel nge pi’in pi’ilal ngak ni be lungurad,

Matthew 27:20

Me towasor e pi tolang ko prist nge pi’in pi’ilal ngak fapi girdi’ ni aram urngirad ni ngar weniggad ngak Pilate nge mang Barabbas e pag me mang Jesus e nli’ ngem’.

Matthew 22:16

Ma aram miyad l’oeg boch pi gachalprad nge boch e girdi’ ko ba’ rok Herod e girdi’ ngranod ngak Jesus. Me lungurad ngak, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni nge rin’ e girdi’, nder magafan’um ko tin ni be leamnag e girdi’, ya ta’reb rogon e girdi’ u wun’um.

Matthew 16:12

Ma aram me nang pi gachalpen fan ni gathi be yog ngorad ni ngar ayuweged yad rok e is ni yima fanay ko flowa, machane ngar ayuweged yad ko n’en ni be fil e pi Farise nge pi Sadduse ko girdi’.

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Luke 20:1

Reb e rran ni bay Jesus u lan e Tempel ni be machibnag fare Thin Ni Bfel’ ko girdi’, me cheag e pi tolang ko prist nge pi tamchib ko Motochiyel nge pi’in pi’ilal ngarbad

Acts 5:17

Ma aram me ri awan’ fare Prist ni Th’abi Ga’ nge urngin e pi’in yad nga baraba’ ni girdi’en e ulung ko Sadduse u rom ngak e pi apostel; ma aram miyad turguy ni ngar rin’ed ban’en ngorad.