Acts 3:1 - Bible Ni Thothup

¹ Reb e rran me yan Peter nge John nga Tempel ko dalip e kolok ni mathig yal’, ni aram ngal’an e meybil.

Acts 3:1 Referans Kwoze

Psalms 55:17

Kadbul, misiw’, nge nep’ gun’gun’ rog nge gel’gel’ e be yan ngak ngalang, mra rung’ag lungug.

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Acts 4:13

Me gin girdi’en e re ulung nem ngak Peter nge John ngarogon ndarir rusgow, ma ku ra gin gad ngorow ya ra pir’eged ni yow l’agruw ndariy e sukul rorow. Miyad nang ni yow l’agruw ni’ ni ur unew i yan ngak Jesus.

Luke 1:10

ma ke par e girdi’ ni bo’or u wean ni yad be meybil ngak Got ko re awa nem ni yibe urfiy fa pin’em ni bfel’ bon u daken e altar.

Acts 5:25

Ma aram me yib be’ nib mo’on ngalan fare senggil me ga’ar ngorad, “Mu telmed! Fapi pumo’on ni mon’ed yad nga kalbus e yad ba sak’iy u lan e Tempel ni yad be machibnag e girdi’!”

Luke 24:53

mu ur pired u lan e Tempel ni yad be pining e magaer ngak Got.

Acts 8:14

Fapi apostel ni yad bay u Jerusalem e rrung’aged nike thap e thin rok Got ngak e girdi’ nu Samaria; ma aram miyad l’oeg Peter nge John ngranow ngorad.

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Acts 2:46

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,

John 21:7

Facha’ ni gachalpen Jesus nib t’uf rok Jesus e ga’ar ngak Peter, “I Somol e cha’nem!” Ma nap’an ni rung’ag Simon Peter ni facha’ e ir Somol, me bachiy wuru’ e mad rok nga lukngun (ni bochan e ke luf e mad rok) me bukey nga maran.

Luke 22:8

Me l’oeg Jesus Peter nge John ngranow nike ga’ar ngorow, “Mmarow ngam ngongliyew rogon e ggan ni ngad ked ko blayal’ ni ggan ko Paluk’af.”

Matthew 26:37

Me fek Peter nge fa gali cha’ ni fak Zebede ngar uned ngak. Me yib e taganan’ ngak Jesus nrib gel me thamiy ni gowa kan chuchuy nga but’,

Matthew 17:1

Ma nel’ e rran nga tomuren me fek Jesus Peter, nge fa gali walag ni James nge John ngranod nga daken bburey nib tolang ni go’ yad.

Daniel 9:21

Nap’an ni gu be meybil, me Gabriel ni fa’anem ni ka’ag guy ko fa yanem ni pilyeg e changar rog, nike changeg i yib nga but’ ko gin gu bay riy. Ni aram e ngiyal’ ni yima pi’ e maligach ni blayal’.

Acts 10:30

Me ga’ar Kornelius, “Gonap’an e re ngiyal’ i n’ey fopringan ni gu be meybil u lan e naun rog ko dalip e kolok ni mithig yal’. Mi yigi yib i sak’iy be’ nib mo’on nga p’eowcheg nike yin’ e mad ni be galgal ram’en

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

Exodus 29:39

Reb e gali pifak e saf ney e ngam pi’ ni maligach ni kadbul ma reb e blayal’.

Galatia 2:9

I James, nge Peter, nge John, ni wun’ug e yad be gagiyegnag girdi’en e galesiya e ra nanged ni Got e ke pi’ e re gaf i maruwel ney ni yugu ba reb ngog; ma aram miyad rurug pa’mow Barnabas ni be dag ni gamad ta’ab raba’ i maruwel, ma aram ma gamad gubin ni ta’reb lanin’mad nge puruy’ romad ni nggu maruwelgow u fithik’ e pi’in gathi yad piyu Israel, miyad maruwel u fithik’ piyu Israel.

Numbers 28:4

Ngan pi’ e bin som’on riy ni kadbul, min pi’ e bin migid ni blayal’,

Matthew 27:45

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Luke 18:10

“L’agruw i pumo’on e ranow nga Tempel ni ngar meybilgow; bagayow e ba Farise, ma bagayow e be’ nib tamukun tax.

Acts 3:3

Ma fa’ani guy Peter nge John ni karbow ni ngranow ngalan e Tempel, me man ngorow.

Acts 3:4

Miyow sap ngak me ga’ar Peter ngak, “Mu sap ngomow!”