Acts 28:23 - Bible Ni Thothup

²³ Ma aram miyad yog Paul reb e yar, me yib bo’or i yad ko chirofen nem ko gin ni be par Paul riy. Kadbul nge yan i mada’ ko neap’ ni machibnag ngorad murung’agen e gagiyeg rok Got ma be pithig fan u wun’rad. Me guy rogon ni nge mich murung’agen Jesus u wun’rad ni be yog ngorad e tin nike yog e babyor nib thothup ni murung’agen ko gin ni ba’aram ni bay e Motochiyel rok Moses riy nge tin ni yoloy e pi profet.

Acts 28:23 Referans Kwoze

Acts 19:8

Me yan Paul ngalan tafen e mu’ulung, ma dalip e pul ni par ni be welthin ngak e girdi’ nder tamdag, ni be malu’ag thin ngorad ni be guy rogon ni nge mich u wun’rad rogon e gagiyeg rok Got.

Acts 18:28

Miyad ma lu’ag thin piyu Israel u fithik’ e girdi’ ni yo’or nib el merin me gel ngorad, ni aram e be micheg ngorad u lan fare babyor nib thothup ni Jesus e ir fare Messiah.

Acts 26:6

Ere chiney e kug sak’iy u roy ni ngan pufthinnigeg ni fan e be lagan’ug ko thin ni yog Got ngak pi chitamangidad ni bay rin’ —

Acts 8:35

Ma aram me tabab Filip ko welthin; ni tabab ko re gin’ey u lan e babyor nib thothup, nge weliy ngak fa’anem fare Thin Ni Bfel’ ni murung’agen Jesus.

Luke 24:44

Me ga’ar ngorad, “Ri ireray fa pin’em ni gu weliy ngomed nnap’an ni kug bay romed: ni urngin ban’en ni kan yoloy ni murung’ageg u lan babyoren e Motochiyel rok Moses, nge tin ke yoloy e pi profet, nge tin kan yoloy u lan babyoren e pi Psalm ni murung’ageg e thangri yib i m’ug nib riyul’.”

Acts 18:4

Ma gubin e Sabbath ni yad ma lulu’ag e girdi’ e thin u lan tafen e mu’ulung, ni aram e be guy rogon ni nge mich e tin be yog u wan’ piyu Israel nge piyu Greece.

John 4:34

Me ga’ar Jesus ngorad, “Ggan rog e nggu fol ko tin ni be finey e en ni l’oegeg ku gub, ma nggu mu’nag e maruwel nike pi’ ngog ni nggu muruwliy.

Filemon 1:2

nge ngak girdi’en fare galesiya nma mu’ulung nga naun rom, nge ngak walagdad ni bpin i Apphia, nge ngak Arkippus ni ir reb e salthaw rok Kristus ni bod gadad:

Mark 4:34

Kemus nu fithik’ e fanathin e i machib ngorad riy; ma ngiyal’ i n’en ni go’ yad pi gachalpen e aram e ngiyal’ nma weliy urngin ban’en ngorad nge puf u wun’rad.

Luke 16:28

ko gin ni bay lal e pumo’on ni walageg riy; mpag nge yan nge yog e thin ngorad, nge siy rabad ko gin’ey nga fithik’ e amith.’

Acts 1:3

Tomuren e yam’ ni tay ma aningeg i ragag e rran ni bo’or yay ni i yib i m’ug ngorad, rogon ni i yib i m’ug ngorad e micheg nriyul’ nike fos ko yam’; ya ra guyed, mi i weliy ngorad murung’agen e gagiyeg rok Got.

Acts 23:11

Me reb e neap’ riy me sak’iy Somol nga to’oben Paul me ga’ar, “Dab mu rus! Kam weliy murung’ageg u roy u Jerusalem, ma thingar kum rin’ u Roma ni aray rogon.”

Acts 24:14

Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

Acts 28:31

Mi i machibnag murung’agen e gagiyeg rok Got ma be machibnag murung’agen fa’anem i Somol Jesus Kristus, ni be welthin nder tamdag, tuntun ara magagawon.

Filemon 1:22

Mu kum fal’eg rogon reb e singgil ngog, ya gu be finey ni bayi fulweg Got taban e meybil romed ni gimed gubin nge fulwegeg ngomed.