Acts 28:22 - Bible Ni Thothup

²² Machane gamad ba’adag ni nggu rung’aged rom e tin ni ir e ga be leamnag, ya gamad manang ni urngin yang ma be non e girdi’ riy nib togopluw ko re raba’ i girdi’ nem ni gab mu’un ngay.”

Acts 28:22 Referans Kwoze

1 Peter 2:12

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.

1 Peter 3:16

Machane ngam rin’ed u fithik’ e sumunguy nge tayfan. Mpired ndariy ban’en ni be methan’med ngay ni ban’en nib kireb ni kam rin’ed, ni fan e nganognimed nga dalib ni aram rogon ni gimed be fol rok Kristus, ma pi’in karogned pangimed ni bfel’ nga dalib e ngar tamra’gad ko thin ni karogned.

Acts 24:14

Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

1 Korinth 11:19

(Bmuduwgil nthingar mu yuraba’gad u fithik’med, nge yag ni gagiyel e pi’in nib mat’aw.)

Acts 26:5

Gubin ngiyal’ ma yad manang, ni fa’anra yad ba’adag ni ngar weliyed ni aram rogon, ni som’on i yib ke mada’ ko chiney e ug par ni gag reb i girdi’en fare raba’ i girdi’ ko ba’ romad e taliw, ni aram e Farise fithingrad, ni yad be par ni yad be fol u urngin e motochiyel.

Acts 15:5

Ma boch e Farise ni kar piggad ke mich Jesus u wun’rad e ra sak’iygad nge lungurad, nganog ngak e pi cha’nem ndabisiy ni ngan maad’ad ni bod ni yog e motochiyel rok Moses ma nganog ngorad ni ngar folgad ko Motochiyel rok Moses.

Acts 5:17

Ma aram me ri awan’ fare Prist ni Th’abi Ga’ nge urngin e pi’in yad nga baraba’ ni girdi’en e ulung ko Sadduse u rom ngak e pi apostel; ma aram miyad turguy ni ngar rin’ed ban’en ngorad.

Roma 1:8

Som’on e nggu pining e magaer ngak e Got rog u daken Jesus Kristus ni bochmed ni gimed gubin; ya re fayleng ney ni polo’ e yad be rung’ag e michan’ romed.

Isaiah 42:20

Israel, pire’ ban’en ni kam guy, machane mang fan u wun’um? Bay telim ni ngam rung’ag ban’en ngay, machane ba mang e ka mu rung’ag?”