Acts 26:23 - Bible Ni Thothup

²³ fare Messiah e thangri gafgow me ir e cha’ ni som’on ni nge fos ko yam’, me tamilangnag piyu Israel nge pi’in gathi yad piyu Israel u rogon me thap e girdi’ ngak Got.”

Acts 26:23 Referans Kwoze

Luke 24:26

Gathi ri dabisiy ni nge gafgow fare Messiah ko pin’ey nge mu’ me yan ko fla’ab rok?”

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Kolose 1:18

I Kristus e llug u downgin, ni aram girdi’en e galesiya; ni ir e be tay e re dowef nem nib fos; ir e bin ni m’on i Fak Got ni Got e faseg ko yam’ ndabki yim’, ni bochan e kemus ni ir e nge par nib m’on u gubin ban’en.

Hebrews 2:10

Got ni ir e sunumiy urngin ban’en ma be ayuweg ni gubin be par ni bfel’ rogon, e rib mat’aw ni muruwliy nge yan Jesus u fithik’ e gafgow nge yan i par ngarogon ni be finey Got, ni fan e nge yag ni fek Jesus pifak Got ni pire’ i yan nge thapegrad ngak Got ngar uned ngak ko fla’ab ni bay rok. Ya Jesus e ir e pow’iyrad ngar thapgad ngak Got.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;

Luke 2:32

ni ir e tamilang ni nge dag e kanawo’ rom ngak e pi’in gathi yad piyu Israel, me gilnag buguwan e girdi’ rom ni piyu Israel.”

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

John 10:18

Dariy be’ nra chuweg e pogofan rog. Ya gu ra pi’ ni gag e lanin’ug. Ya bay mat’wug ni gu ra pi’ e pogofan rog, ma bay mat’wug ni gu ra fulweg ngog. Ireray e n’en nike yog e Chitamag ngog ni nggu rin’.”

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Acts 26:8

Mang ni gimed be finey, piyu Israel ndabiyag ni nge mich u wun’med nra faseg Got e yam’?

Acts 13:34

Ma ba’aray e n’en ni yog Got ni murung’agen ni bayi faseg ko yam’, ma dabi pag nge mel u lane low: ‘Bay gu rin’ ni fan ngomed fare n’en nrib fel’ ma ba thothup ni gu micheg ngak David ni bay gu rin’.’

Acts 3:18

Kab kakrom me weliy Got u l’ugun urngin e pi profet ni Messiah rok e dabisiy ni nge gafgow; me muruwliy nge yib i m’ug nib riyul’ ni aray rogon.

John 11:25

Me yog Jesus ngak ni ga’ar, “I gag owchen e fos ko yam’ nge yafos. Yigu ra ke yim’ be’ ni gub mich u wan’ mra fos;

Luke 24:46

me ga’ar ngorad: “Ba’aray e n’en ni kan yoloy: en ni Messiah e thingar ni gafgownag min faseg ko yam’ ko chirofen nra gaman e dalip ngay,

Matthew 27:53

Miyad chuw u lan e low rorad; ma nga tomuren nike fos Jesus ko yam’ miyad yan ngalan fare Binaw nib Thothup, ni aram e gin ni guyrad e girdi’ riy ni pire’.

Isaiah 42:6

“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Acts 3:24

Ma pi profet nib mu’un Samuel ngay nge tin nrabad nga tomuren, ni urngin e pi’in nra weliyed e thin rok Got ngak e girdi’, e ku ra weliyed murung’agen e tin daba’ e rran.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.