Acts 25:11 - Bible Ni Thothup

¹¹ Fa’anra kug th’ab e motochiyel ni kug rin’ ban’en nike yib tapgin ni ngan thang e fan rog ni bochan, ma dab gu wenignigeg ni nge dab nrin’ ngog. Machane fa’anra de riyul’ e pin’en ni karogned nib togopluw ngog, ma dariy be’ nrayag rok ni nge pi’eg nga pa’rad. Ere gu be wenig ni ngan pi’ e re pa’ i oloboch ney nge yan ngak e cha’ ni ir e Emperor nu Roma.”

Acts 25:11 Referans Kwoze

Acts 28:19

Ma fa’ani togopluw piyu Israel ko re bugithin nem, me yan i aw ni kemus ni Emperor nu Roma e ir e kabay ni gu ra wenignigeg ngak, mu gu rin’, ni yugu aram rogon ndariy ban’en ni gog nib togopluw ngak e girdi’ ko nam rog.

Acts 26:32

Me ga’ar Agrippa ngak Festus, “Re mo’on nem e fa’an mang e dawori wenignag ir ni ngan pi’ e oloboch nge yan ngak e en ni Emperor nu Roma nge mang ir e pufthinnag, ma kan pag e chiney.”

Acts 25:25

Machane dawor gu pir’eg ban’en nike rin’ ni ir e ke yib tapgin riy nrayag ni nganog ni ngan li’ ngem’. Me ere bochan e ir e ke wenignag ir ni ngan pi’ nge yan ngak e en ni Emperor nu Roma ma aram e kug turguy ni nggu pi’ nge yan ngak.

Acts 25:21

Machane me wenignag Paul ir, ni wenig ni ngan tay ni bay e matanag rok me mang Emperor nu Roma e turguy e n’en ni ngan rin’ ko re pa’ i oloboch nem. Ma aram mu gog ni ngan matanagiy nge mada’ ko ngiyal’ nrayag ni gu pi’ riy nge yan ngak e en ni Emperor nu Roma.”

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!

Acts 25:10

Me ga’ar Paul, “Gub sak’iy e chiney u gil’ e puf oloboch rok e en ni Emperor nu Roma, ni aray e gin ni yalen ni ngan pufthinnigeg riy. Dariy ban’en nib kireb ni kug ngongliy ngak yu Israel, ni gur ma rib tamilangan’um riy.

Acts 22:25

Machane nap’an ni kar m’aged ni ngar toyed, me ga’ar Paul ngak reb e tolang ko salthaw nib sak’iy u rom, “A mog, bmat’aw ko motochiyel ni ngam toyed be’ ni girdi’en yu Roma ni be’ ni mus ko oloboch rok ma dawor ni pithig?”

Acts 18:14

Ke yan ni nge welthin Paul me ga’ar Gallio ngak piyu Israel, “Fa’an mang e ban’en nib kireb e ren’ey ara ban’en nrib gel e kireb riy ni kan ngongliy ma bay rogon ni nggu gum’an’ nigeg nggu motoyil ngomed piyu Israel.

Acts 16:37

Me ga’ar Paul ngak fapi pilungen e polis, “Kar toyed gamow u fithik’ e girdi’ ni yo’or, nda ni pufthin nagmow ma gamow girdi’en yu Roma! Ma ka ron’ed gamow nga kalbus. Ere ngar paged gamow e chiney nib mith? Danga’! Pi tolang rok yu Roma e thingar rabad ngaray ngar paged gamow.”

BABYOR NI JOB 31:21

Fa’anra ka’a gu bannag be’ ni kanim’ rok, ni bochan e gu manang ni gu ra gel ngak u tafen e puf oloboch,

1 Samuel 27:1

Me ga’ar David u wan’, “Bayi reb e rran me li’eg Saul nggum’. N’en th’abi bfel’ ni nggu rin’ e ngug mil nga Filistia. Ma aram me pageg Saul ndabki changar nigeg u Israel, mug par ndariy ban’en nra buch rog.”

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!

Jeremiah 37:18

Ma aram mu gu fith nug ga’ar, “Be mang oloboch e kug ngongliy nib togopluw ngom, ara pi tolang ko salthaw rom, ara pi girdi’ ney ni er tapgin ni kam teg nga kalbus?

Acts 25:12

Ma fa’ani mu’ Festus nge pi’in yad ma fonownag Festus ko puruy’, me fulweg Festus ni ga’ar, “Kam wenignigem ni ngan pi’ e re pa’ i oloboch ney ngak e cha’ ni Emperor nu Roma, ere bay ni pi’em ngam man ngak e pilung nu Roma.”