Acts 24:17 - Bible Ni Thothup

¹⁷ “Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

Acts 24:17 Referans Kwoze

Galatia 2:10

Machane kemus nn’en nra wenig niged ngomow e ri dab gu pagew talin e pi’in gafgow ni yad bay u fithik’rad, nri ireram e ren’en ni ug athamgiliy ngu’ug rin’.

2 Korinth 9:12

Ya re ayuw ney ni bay mu ngongliyed e gathi kemus ni nge pi’ ngak e girdi’ rok Got e tin nthingari yag ngorad, machane ku errogon ni bayi ayuweg bo’or e girdi’ ngar pininged e magaer ngak Got.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

Roma 15:31

Mu yibilgad ni nge ayuwegneg Got rok e pi’in nde mich Jesus u wun’rad ni yad bay u Judea, me m’ag u wan’ e girdi’ rok Got nu rom e pigpig ni bay gu tay u lan yu Jerusalem.

Acts 20:16

Ma ke turguy Paul ni nggu warod u barkow ni dab gu talgad nga Efesus, ni fan e dab gu mitgad u lan e nug nu Asia. Ya be gur ni nge thap nga Jerusalem ni fa’an rayag ko chirofen ni rran ko Pentekost.

Acts 21:26

Me un Paul ngak fapi pumo’on me reb e rran riy me un ngorad ko bangbangen e be’ech nigey. Me yan ngalan e Tempel nge yog ngorad ko in e rran me taw ko chirofen ni kem’ay e rran ko be’ech nigey rorad riy, ni ireram e chirofen nra bagayad ma nga ni pi’ e birok’ e maligach ni aram e gamanman.

Acts 20:31

Ere mu ayuwgad ma dab mpaged talin ni ug machib nagmed u fithik’ e lu’ ni rran nge neap’ ni dalip e duw.

Acts 24:26

Ma aram rogon ma be finey ni bay pi’ Paul boch e salpiy ngak; ireray fan ni bayi n’en me l’oeg e thin nge yan ngak Paul nge yib ngar nonow.

2 Korinth 8:6

Ere gu weniggad ngak Titus, ni ir e sunumeg e re maruwel ney, ni nge ul ul ngay nge ayuwegmed ngam mu’niged e re maruwel ney ni pigpig u fithik’ e t’ufeg.