Acts 21:31 - Bible Ni Thothup

³¹ Ma fapi girdi’ ni yad be wagey e ra guyed rogon ni ngar thanged e fan rok Paul mi nol’oeg e thin nge yan ngak fare pilungen e salthaw nu Roma, ni gubin e girdi’ nu Jerusalem ni be wagey.

Acts 21:31 Referans Kwoze

Acts 17:5

Me awan’ piyu Israel ngorow, miyad kunuy boch e girdi’ u kanawo’ ni girdi’ ni yugu ma yan ndariy e maruwel rorad ni ngar mu’ulunggad ngar wageygad. Miyad wagey u lan fare binaw ni polo’, miyad yan ni cham nga tafen Jason, ni yad be guy rogon ni ngar pir’eged Paul nge Silas ngar feked yow nga waen i yib ngak e girdi’.

Acts 25:23

Me reb e rran riy me yib Agrippa nge Bernice ni kar ngongliyew rogorow, miyow yib ngalan e gin ni ngan mu’ulung ngay nike un e pi’in tolang ko salthaw ngorow nge pi’in yad ma yog e thin ko re binaw nem, ni aram e yibe tay farow. Me yog Festus ni ngan fek Paul i yib, min rin’ ni aram rogon.

Acts 24:22

Me Felix ni be’ nri manang murung’agen e re Kanawo’ nem, e yog ni ngan taleg e welthin. Me ga’ar ngorad, “Bayi taw Lysias ni pilungen e salthaw mu gu turguy e n’en ni ngan rin’ ko re pa’ i n’ey.”

Acts 24:6

Ma ku errogon ni guy rogon ni nge rin’ u Tempel e tin ndab nrin’, ma gamad kol nggu feked.

Acts 23:17

Me pining Paul reb fapi tolang ko salthaw me ga’ar ngak, “Mu fek e re pagel ney i yan ngak e en ni pilungen e salthaw; ya bay ban’en ni nge weliy ngak.”

Acts 22:22

Me motoyil e girdi’ ngak Paul nge yan i mada’ ko ngiyal’ ni yog e re bugithin ney; ma aram miyad tabab ko tolul ni kemus mam’ungun i lamrad ni be lungurad, “Mu thanged e fan rok, mu li’ed ngem’! Ya dariy rogon ni nge par!”

Acts 21:38

Ere gathi gur fa’anem nu Egypt ndawori n’uw nap’an ni fek baraba’ i girdi’ ngar togopluwgad ko am me fek aningeg i biyu’ i girdi’ ni kar feked talin e cham ma yad be cham ngranod nga daken e ted ni desert?”

Acts 19:40

Ya rayag ni ngan togopluw ngodad ni bochan e wagey ni kad ngongliyed e daba’. Ma dariy e tawey rodad ngabyang ni fan ko re wagey ney ni kan tay, ma dariy reb e tapgin ni bfel’ ni gadad ra pi’ ni aram fan ni kan rin’.”

Acts 10:1

Immoy be’ nib mo’on u lan yu Cesarea ni Kornelius fithingan, ni ir ba pilungen baraba’ i salthaw nu Roma ni kan tunguy fithingan ni “Baraba’ i Salthaw nu Italy.”

John 18:12

Me kol fare ulung i salthaw nge en nib tolang rorad nge pi matanagen e Tempel ni girdi’ nu Israel Jesus, miyad m’ag,

John 16:2

Bay rogned ndab kum uned ko mu’ulung u tafen e mu’ulung rorad. Ma bayi taw nga ba ngiyal’ ni en nra thang e fan romed e bayi finey nra rin’ ni aram rogon ma aram e be pigpig ngak Got.

Mark 14:2

Me lungurad, “Thingar dab da rin’ed ko ngiyal’ ni yibe madnom riy, ya ra yib e girdi’ ngodad ncham.”

Matthew 26:5

Me lungurad, “Thingar dab da rin’ed ko ngiyal’ ni yibe madnom riy, ya ra yib e girdi’ ngodad ncham.”

1 Kings 1:41

Ke yan ni nge mu’ Adonijah nge tirok e girdi’ ko madnom, miyad rung’ag lamey. Ma fa’ani rung’ag Joab laman e yabul me ga’ar, “Mangfan e binem nike yan lamey ngalang u lan binaw?”

Matthew 27:27

Me fek e salthaw rok Pilate Jesus ngalan e naun ko am, me mu’ulung fa raba’ i salthaw ngak.

Acts 26:21

Ireray tapgin ni koleg piyu Israel ko ngiyal’ ni ba’aram ni gu bay riy u Tempel, miyad guy rogon ni ngar thanged e fan rog.

Acts 24:7

[temp]