Acts 21:13 - Bible Ni Thothup

¹³ Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Acts 21:13 Referans Kwoze

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

2 Timothy 4:6

Me gag e ke taw ko ngiyal’ ni nge thay e pogofan rog riy ni bochan Kristus; ke taw nga nap’an ni nggu chuw ko biney e tamilang.

Revelation 12:11

Ke gel pi walagdad ngak u daken racha’en fare Fak e Saf, ngu daken e thin nib riyul’ ni ur wereged; ma bm’agan’rad ngay ni ngar paged fan e pogofan rorad ngarm’ad.

Kolose 1:24

Ere chiney e kug felfelan’ ko gafgow ni gu be tay ni fan ngomed. Ya gafgow ni be tay dowag e gu be ayuweg e tin kabay ni nge gafgow Kristus riy ni fan nga downgin, ni aram girdi’en e galesiya.

2 Peter 1:14

Ya gu manang ndabki n’uw nap’an mu gu pag e re dowef rog ney nra yim’, ni bod rogon feni tamilang ni yog e Somol rodad i Jesus Kristus ngog.

Acts 20:37

Yad gubin ni yad be yor ma yad be gumuchmuch ngak Paul ma yad be faray owchen ni yad be fingichiy.

Acts 5:41

Me yan fapi apostel ngar chuwgad ko fare ulung, ni kar felfelan’gad ni bochan e ke tafinaynag Got ni bay rogorad ni ngar gafgowgad ni fan nga fithingan Jesus.

Revelation 3:10

Ya kam fol ko thin ni gog ni ngam par ni gab gumaen’, ere bay gu tem ni dabi buch ban’en rom ko re ngiyal’ i n’en ni ba’aram ni bay yib e gafgow riy nga daken e fayleng ni polo’, ni nge sikengnag urngin e girdi’ nu fayleng.

2 Timothy 1:4

Dagur pag talin lu’am ni map’, ma ku gum’ ni bochan ni gomanga gguyem nggu felfelan’.

1 Korinth 15:31

Pi walageg, gubin e rran ni gu be yan u thathren e riya’! Felfelan’ ni kug tay ngomed ko wok rodad u fithik’ Kristus Jesus ni Somol rodad e ir e ke ngongliyeg kugog e re bugithin ney.

Acts 9:16

Me gag e bay gu dag ngak urngin e pin’en nthingari gafgow riy ni bochag.”

Filippi 2:26

Be finey ni manga yigi guymed ni gimed gubin, ma kari kireban’ ni bochan e kam rung’aged nib m’ar.

Jonah 1:6

Me yib e kapten ko i pir’eg u rom me ga’ar ngak, “Mang e kam rin’ ni kam mol? Mu od ngam meybil ngam ning e ayuw ko got rom. Ya sana ra runguydad, me siy ku da m’ad.”

Ezekiel 18:2

I ga’ar, “Be mang e re bugithin ni ba’aray nike par e girdi’ ni yugu yad be yog u lan e nam nu Israel ni be lungurad, ‘Gallibthir e kar unumew e grape ni mugunin, ma pifakrow e ke mur’mur’ nguwelenrad.’”

Isaiah 3:15

Dariy mat’awmed ni ngam pirdi’iyed e girdi’ rog, ma ke mang i tay ngomed ni ngu’um gafgow niged e pi’in gafgow. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

1 Samuel 15:14

Me fith Samuel ngak ni ga’ar, “Ere mangfan ni gu be rung’ag laman e garbaw ni be tolul nge laman e saf ni be non?”

1 Samuel 1:8

Me ga’ar Elkanah ni figirngin ngak, “Hannah, mang ni ga be yor? Mang ndab mu koy ban’en? Mang ni gubin ngiyal’ ni ga be par nib kireban’um? Mog, kabfel’ ragag e pumo’on ni ga ra fakay ngog?”

Jeremiah 40:1

I SOMOL e non ngog u tomuren nike pageg Nebuzaradan u kalbus ni ir e ga’ ko salthaw u Ramah. Ya ni fekeg ngaram ni kan chain nigeg, ni gub mu’un ngak gubin fapi girdi nu Jerusalem ngu Judah nni fekrad ni kalbus nga Babylon.

1 Kronicles 11:18

Fa dalip i salthaw nib gilbugwarad e rcham niged wo’rad ngar thumurgad nga wuru’ e gin be par e pi Filistia riy, miyad l’ing boch e ran u lan fare luwed, ngar sulweged ngak David. Machane de unum David; ya n’en ni rin’ ngay e pu’og nga but’ nike ognag ngak SOMOL