Acts 2:35 - Bible Ni Thothup

³⁵ nge yan i mada’ ko ngiyal’ ni bay gu tay e pi to’ogor rom nga tan e rifrif u em ni nge mang tagil’ e magif ko rifrif u em.’

Acts 2:35 Referans Kwoze

Revelation 19:19

Ma aram mu gguy fare gamanman nge pi pilung nu fayleng nge pi salthaw rorad ni kar mu’ulunggad ni ngar chamgad ngak fa’anem nike af nga daken fare os nge ngak e salthaw rok.

Roma 16:20

Mi Got ni ir e ma pi’ e gapas ngodad e dabki n’uw nap’an me pirdi’iy Satan u tan e rifrif u aymed. Ngi i par e runguy rok Somol Jesus rodad romed.

Isaiah 60:14

Pifak e pi’in ur gafgow niged gur e bay rabad Ra siro’gad ngom ngar ted fam. Urngin e pi’in ni ur darifan niged gur e bay ra parawgad u to’oben rifrifen em. Bay rogned fithingam ni fare ‘Binaw rok SOMOL,’ ‘Zion, ni fare Binaw rok fare Got nib Thothup nu Israel.’

Isaiah 59:18

Bayi gechignag e pi to’ogor rok u rogon e n’en ni ka ra ngongliyed, ni mus ngak e pi’in nib palog e gin yad ma par riy.

Psalms 72:9

Girdi’ ko ted ni desert e bay ur siro’gad u p’eowchen; ma pi to’ogor rok e bay ra li’led e fiyath.

Luke 19:27

Ere pi cha’ney ni to’ogor rog ndaburad ni nggu mang pilung rorad e ngam feked yad i yib iray ngam li’ed yad ngarm’ad u p’eowcheg!’ ”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Psalms 110:1

I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

Acts 2:34

Ya David e ir ma de yan ngalan e tharmiy; machane weliy ni ga’ar: ‘I Somol e ga’ar ngak e Somol rog: Mpar iray nga ba’ ni mat’aw rog,

Acts 2:36

“Ere urngin e girdi’ nu Israel ni thingar ra nanged ni cha’nem i Jesus, ni ir e mu richibiyed ko kuruth, e ke tay Got ni ir e Somol nge Messiah!”