Acts 19:33 - Bible Ni Thothup

³³ Me tafinaynag boch fapi girdi’ ni Alexander e bay rogon ko re mu’ulung nem, ni bochan e piyu Israel e tuwesriy ni ir e nge yan nga p’eowchen fapi girdi’ ni aram urngin. Me fanathin Alexander nga pa’ ni be guy rogon ni nge welthin nge tamilangnag e girdi’.

Acts 19:33 Referans Kwoze

Acts 12:17

Me fanathin ngorad u pa’ ndab rnonod, ma aram me weliy ngorad rogon nike yib Somol i chuweg u kalbus. Me ga’ar, “Mu weliyed e pi thin ney ngak James nge tin ni kabay i walagdad ni girdi’en Jesus;” ma aram me pagrad ngki yan ngabang.

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

1 Timothy 1:20

ni Hymeneus nge Alexander e yow mu’un nga fithik’rad, ni kug pi’row nga gelngin Satan, ya ngar filew ni ngar talgow ndab ku rognew e thin nib kireb nib togopluw ngak Got.

Filippi 1:7

Gubin ngiyal’ ni gimed be par u lanin’ug! Aram fan nib mat’aw ni ngu’ug leam nagmed ni aray rogon. Ya gimed gubin ni kam uned ngog nga mat’wug nike pi’ Got ngog, ni chiney ni gu bay u kalbus nge fa ngiyal’nem ndawor non’eg nga kalbus ni ug ayuweg fare Thin Ni Bfel’ ma gu be micheg nga laniyan’ e girdi’.

Acts 24:10

Ma aram me fanathin fare governor ngak Paul ni nge non, me ga’ar Paul: “Kug nang ni ga be par ni gur e tapuf oloboch ko re nam ney nike yo’or e duw, ere kug felan’ ngay ni nggu ayuwegneg u p’eowchem.

Acts 21:40

Me pi’ fare pilungen e salthaw mat’wun Paul ni nge non, ma aram me sak’iy Paul nga daken e tawo’ me non ngak fapi girdi’ u pa’. Ma fa’anra th’abed gulungrad, me non Paul ngorad nthin ni Hebrew ni ga’ar:

Acts 13:16

Me sak’iy Paul ngalang, me non nga pa’ me tabab ko welthin ni ga’ar, “Gimed e pi’in gadad piyu Israel nge urngin e pi’in gathi yad piyu Israel ni bay u roy ni yad ma meybil ngak Got: Mu telmed ngog!

Luke 1:22

Ma fa’ani yib nga wean ma dabkiyag nra non ngorad, ma aram mar nanged ni kan piliyeg e changar rok ke guy ban’en u lan e Tempel. Me fanathin ngorad u pa’ ya dabkiyag ni nge yog ta’ab bugithin.

Acts 19:34

Ma fa’anra poyed ni be’ u Israel, ma yad gubin ni ur tolul niged ta’ab ban’en ni l’agruw e awa ni be lungurad, “Ba sorok Artemis nu Efesus!”