Acts 19:28 - Bible Ni Thothup

²⁸ Ma fa’ani rung’ag fapi girdi’ ni aram urngirad e pi thin ney, me ri gel e damumuw ngorad, miyad tabab ko tolul ni be lungurad, “Ba sorok Artemis nu Efesus!”

Acts 19:28 Referans Kwoze

Revelation 17:13

Ragag i pilung nem e ba ta’reban’rad ni yad gubin, ma bay ra pi’ed gelngirad nge mat’awrad ngak fare gamanman.

Revelation 13:4

Urngin e girdi’ ni ur ted fan ma yad be meybil ngak fare dragon, ya ke pi’ gelngin ngak fare gamanman. Ma ku yad be tayfan ma yad be meybil ngak fare gamanman ni be lungurad, “Mini’ e ta’reb rogon ngak e re gamanman nem? Mini’ e rayag rok ni nge cham ngak?”

Revelation 12:12

Ere mu felfelan’gad e pi tharmiy, ni gimed urngin e pi’in ni gimed be par u wur! Machane ri bayi gafgow e fayleng nge day! Ya ke yib fare Mo’onyan’ ngomed ni kari damumuw, ya manang ndaki n’uw nap’an ni nge par.”

Acts 18:19

Miyad taw nga Efesus, me pag Paul Priscilla nge Aquila. Me yan nga tafen e mu’ulung ngar lu’aged piyu Israel e thin.

Acts 7:54

Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

Jeremiah 50:38

Mu pi’ e yal’ ko but’ riy ngam mlik’nag e yupa’ i lul’ riy. Babylon e ba nam nib k’artamdag e pi liyos riy ni yad ma bannag e girdi’.

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Acts 19:24

Ya bay be’ nma rannag e wagey ni silber ni Demetrius fithingan, nma ngongliy ya’an e Tempel ko silber, ni Tempel rok fare got ni ppin ni Artemis fithingan, ma re siyobay rok nem e ba ga’ e salpiy ni be yib riy ngak girdi’en e maruwel rok.