Acts 17:26 - Bible Ni Thothup

²⁶ Ri ta’reb e pumo’on ni sunumiy, me sum rok e re mo’on nem girdi’en urngin e nam, me tayrad ni ngar pired u daken e re fayleng ney ni polo’. I ir e turguy ko tabolngin e re ngiyal’ i n’en nge yungi n’en ni ngar pired riy!

Acts 17:26 Referans Kwoze

Genesis 3:20

Adam e tunguy fithingan le’engin ni Eva, ni bochan e ir e chitiningin urngin e girdi’.

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

1 Korinth 15:22

Rogon nma yim’ urngin e girdi’ ni bochan e yad ta’ab girdi’ Adam, e aram rogon ni gubin e girdi’ ni bay ni faseg ko yam’ ni bochan e kar ta’ab girdi’gad Kristus;

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

Psalms 31:15

Gubin ngiyal’ ni gu bay u lan pa’am; mu chuwegeg u pa’ e pi to’ogor rog, ni pi’in yad be gafgow nigeg.

BABYOR NI JOB 14:5

Ra be’ ma kan mu’ i duwgiliy n’umngin nap’an e yafos rok — urngin e pul ni nge par nib fos. Ka mu duwgiliy kamta’, ni dabkiyag i thilyeg.

BABYOR NI JOB 12:23

Ma gelnag e pi nam nge gilbuguwrad, ma ir e ma waer nagrad nge thirifrad u but’.

Genesis 9:19

Dalip i pumo’on ney ni fak Noah e yad e chitamngin urngin e girdi’ nu fayleng.

Daniel 11:35

Ma boch fapi tayugang’ ni yad ba llowan’ e bay nthang e pogofan rorad. Machane girdi’ e bay ra machalboggad ni bochan e ran’ey. Arrogon ni bay i par i yan ngaram nge mada’ ko tomur, ni aram e ngiyal’ nike duwgiliy Got.

Daniel 11:27

Ma aram e bayi par e gali pilung nem nga ta’ab tebel ngar abichgow, machane ra bagayow ma tin ntagan e be leamnag, miyow par ngu’ur lifithew l’ugunrow ngorow. Ma dabiyag ngorow e tin yow be finey, ya dawori taw nga nap’an.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Hebrews 2:3

Ere uw rogon ma gadad thay riy ni fa’anra dariyfan u wun’dad e n’en ni ir e th’abi manigil nike rin’ Kristus ni fan ngodad ni bochan e ngad thapgad ngak Got? I Somol e ir e som’on ni weliy murung’agen kanawo’en min thap ngak Got, ma picha’ nrung’aged e re bugithin nem ni yog e kar micheged ngodad nre bugithin nem e ba riyul’.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

Psalms 74:17

Gur e mu duwgiliy e yungin ni nge mus e fayleng riy; gur e mu tay ngilan’ e summer nge winter.

Jeremiah 27:5

“Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

Isaiah 34:17

I SOMOL e ir e ra f’oth e binaw rorad nge pi’ ngorad nra bagyad ma pi’ e gi rok. Bay ra pired riy u reb e mfen ngu reb, nge milfan ngorad ndariy n’umngin nap’an.