Acts 17:20 - Bible Ni Thothup

²⁰ Ya bay boch ban’en ni kug rung’aged ni ga be yog ndawor gu rung’aged bi’id, ere gamad ba’adag ni nggu nanged fan.” (

Acts 17:20 Referans Kwoze

1 Peter 4:4

Pi’in ndar nanged Got e kar gin gad ni fan e dakumur uned ngorad ko ngongol nib kireb ni yad be ngongliy, ma aram fan ni yad be yog e thin nib kireb ngomed.

1 Korinth 2:14

Machane cha’ ndariy fare Kan ni Thothup rok e dabiyag ni nge yag ngak e pi tow’ath nma yib rok e Kan ni Thothup rok Got. Ya ri der nang fan, ma thin ko balyang u wan’, ya fan e yira nang ni kemus ni Kan ni Thothup e ra dag.

1 Korinth 1:23

Ma gadad e gadad be weliy murung’agen Kristus nni kuruthnag, ni bbugithin ndabun piyu Israel ma thin ko balyang u wan’ e pi’in gathi yad piyu Israel;

Hosea 8:12

Kug yoloy nga but’ bukun ban’en ni nge fil e girdi’, machane dubrad ni gowa bogi ban’en u reb e nam.

1 Korinth 1:18

Ya murung’agen e yam’ ni tay Kristus u daken e kuruth e thin ko balyang u wan’ e pi’in kar maloggad; machane rogon u lanin’dad e pi’in kad thapgad ngak Got e ireram gelngin Got.

Hebrews 5:11

Bo’or ban’en ni bay ni ngad weliyed u murung’agen e re bugithin ney, machane rib mo’maw’ ni ngan weliy murung’agen ngomed, ni fan e ba sowath ni ngam nanged fan ban’en.

Acts 10:17

Me par Peter ngi i leamnag fan e ren’em ni kan piliyeg e changar rok ke guy. Ma aram e fapi pumo’on ni l’oegrad Kornelius e kar nanged e gin ni bay e naun rok Simon riy, ni aram e kar sak’iygad nga langan e garog riy.

Acts 2:12

Ma yad gubin nra bagayad ma be fith bagayad ni be ga’ar, “Be mang e ren’ey?” Ya kar ngatgad ma ke balyangan’rad.

John 6:60

Bo’or pi gachalpen ni rung’ag e re bugithin ney me lungurad, “Re machib ney e kayigi mo’maw’. Mini’ e ra motoyil ko tiney e thin?”

Mark 9:10

Miyad fol ko tin keyog Jesus ngorad, machane miyad tabab i weliy rorad e re bugithin nem ni be lungurad, “Mangfan e re bugithin nem nike yag ni ngan faseg ko yam’?”

Acts 17:19

Ma aram miyad fek Paul i yib ngalan e mu’ulung u tafen e pufthin ni Areopagus fithingan, me lungurad ngak, “Gamad ba’adag ni nggu rung’aged e bin be’er e machib nib be’ech ni ga be weliy.

Acts 17:21

Ya urngin e girdi’ nu Athens nge girdi’ nu bang nma par u rom e yad ba’adag ni ngar paged urngin ban’en ngu’ur weliyed ma yad be rung’ag murung’agen e tin nib be’ech ban’en.)