Acts 17:16 - Bible Ni Thothup

¹⁶ Ma nap’an ni be sonnag Paul Silas nge Timothy u lan yu Athens, ma dakiyag ni nge k’adan’ ni bochan e guy lan e re binaw nem nib sug ko liyos nma meybil boch e girdi’ ngay.

Acts 17:16 Referans Kwoze

Psalms 119:158

Nap’an ni gu ra changar ko pi sasalap nem, mu gu sonogor, ni bochan e darir rin’ed e tin ni kam ta’chiylen.

2 Peter 2:7

Me chuweg Lot u rom nde buch ban’en rok, ni ir be’ ni bfel’ ni i kireban’ ko ngongol ni darngal ni be ngongliy e girdi’ ni dariyfan e motochiyel u wun’rad.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Mark 3:5

Me ere i changar Jesus u owcherad i yan nike puwan’, machane ku errogon ir nike kireban’ ngorad nga farad gelan’ nga fithik’ e balyang. Me ga’ar ngak facha’, “Mu k’iyag pa’am.” Me k’iyag pa’, ma aram me manigil pa’ nge sul ngarogon.

Mikah 3:8

Machane gag e ke sug nageg SOMOL ko kan nthothup rok nge gelngin, ya nge yag ni gu turguy e tin nib mat’aw, ma nge dab ku gu rus nggu weliy ngak e girdi’ nu Israel e denen ni yad be ngongliy.

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

1 Kings 19:14

Me fulweg ni ga’ar, “SOMOL ni Got, ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan ko urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

John 2:13

Ngiyal’ nem e ke chugur ko madnom ni Paluk’af rok yu Israel, ma aram me yan Jesus nga Jerusalem.

Acts 17:15

Ma pi’in pumo’on nra uned ngak Paul ni yad be pow’iy e ra uned ngak ngar tawgad nga Athens. Ma aram miyad sul nga Berea ni kar feked e thin rok Paul i yib ni nge guy Silas nge Timothy rogon ngranow ngak nib gur.

Acts 17:21

Ya urngin e girdi’ nu Athens nge girdi’ nu bang nma par u rom e yad ba’adag ni ngar paged urngin ban’en ngu’ur weliyed ma yad be rung’ag murung’agen e tin nib be’ech ban’en.)

Acts 18:1

Tomuren e biney, me chuw Paul u Athens nge yan nga Korinth.

Acts 20:22

Ma chiney e gu be yan nga Jerusalem, ni Kan Nthothup e kug fol rok, nda gu nang e n’en ni bay nrin’ ngog u rom.

1 Thessalonika 3:1

Fa’ani munmun ma dakiyag ni gu athamgilgad. Ma aram ma gamad duwgiliy ni nggu pired u Athens,