Acts 16:40 - Bible Ni Thothup

⁴⁰ Me chuw Paul nge Silas u kalbus miyow yan nga tafen Lydia. Miyow mada’nag e pi walag ni girdi’en Kristus u rom, miyow welthin ngorad, ni aram e yow be pi’ e athamgil nga lanin’rad, nge mu’ miyow yan.

Acts 16:40 Referans Kwoze

Acts 16:14

Ma bagayad e pi cha’nem ni i motoyil ko thin ni gamad be yog e Lydia ni yib u Thyatira, nma folchuway’ ko mad nib purple ram’en. I ir be’ ni bpin nma meybil mma liyor ngak Got, me tamilangnag Somol laniyan’ ni nge uthum tel ko n’en ni be weliy Paul.

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

Acts 4:23

Ma yugu nap’an nni pag Peter nge John, miyow sul ko fare ulung rorow mrognew ngorad e n’en ke yog e pi’in pilungen e prist nge pi’in pi’ilal ngorow.

Acts 16:2

Ma urngin e walag ni girdi’en Kristus ni yad ma par u lan yu Lystra ngu lan yu Ikonium e ra weliyed murung’agen Timothy ni be’ ni bfel’.

Acts 1:15

In e rran nga tomuren me mu’ulung e pi’in ke mich Jesus u wun’rad, ni gonap’an yad ra’ay nge rliw’ u gubin, me sak’iy Peter ngalang ni nge welthin.