Acts 16:28 - Bible Ni Thothup

²⁸ Machane me tolul Paul ni ga’ar, “Dab mmaad’ad ngom; ya gamad gubin ni ka gamad ba’aray.”

Acts 16:28 Referans Kwoze

1 Thessalonika 5:15

Mu um guyed rogon ni dabi fulweg be’ taban e kireb ngak be’, ma gubin ngiyal’ ni ngu’um guyed rogon ni nge bigimed mi i rin’ e tin ni bfel’ ngak bigimed nge ngak urngin e girdi’.

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Eklesiastes 7:17

Machane ku dabi pag fanam kireb fa mu thum’ ngaru’ ko balyang, mangfan ni ngamum’ u m’on ni dawor i taw nga nap’an?

Luke 22:51

Me fulweg Jesus ni ga’ar, “Ke yag!” Me math Jesus nga yuwan tel fa’anem nge faseg.

Proverbs 8:36

Ma en ndabi piri’egeg e ra i gafgownag ir; ma en ni be fanenikayeg e ba’adag e yam’.”

Psalms 35:14

ni bod nu gu be meybil ni fan ngak ba fager fa be’ ni gamow. Mu gu wan ni kugup’ owcheg nga but’ ko kireban’, ni gowa be’ ni be yornag e chitiningin.

Levitikus 19:18

Dabi guy be’ rogon ni nge fulweg taban e kireb ngak be’, ara i par ni be fanenikay fa’anem, ya nge par nib t’uf yugu boch e girdi’ rok ni bod ir nib t’uf rok. I Gag e SOMOL.

Exodus 20:13

“Dab mu li’ be’ ngem’.

Acts 16:27

Ma nap’an ni od facha’ ni pilungen e kalbus, me guy nike mab urngin e mab ko kalbus, me girengiy e saydon rok nge yan ni nge li’ ir ngay; ya ke finey nike mil urngin fapi kalbus.

Acts 16:29

Me pong fa en ni pilungen e kalbus ni nga ni fek e nifiy i yan ngak, me yan ngalan e kalbus ni be mil, me yan i pag ir nga but’ u to’oben ay Paul nge Silas ni be da’da’.