Acts 16:18 - Bible Ni Thothup

¹⁸ Bo’or e rran ni i yodorom. Ma daki yag ni nge k’adan’ Paul, me cheal nga wuryal me ga’ar ngak fare mo’onyan’ nike ying ngak fare pin, “Gu be non ngom u fithingan Jesus Kristus ni ngam chuw rok e cha’nir!” Ma ka ngiyal’nem me chuw fare mo’onyan’ rok fare pin.

Acts 16:18 Referans Kwoze

Mark 16:17

Ma pi pow ni ba’aray e bayi un ngak e pi’in kug mich u wun’rad, bay yag ni ngar tulufed e pi mo’onyan’ u daken fithingag; ma bay yag ni ngar nonod nthin nu bang;

Acts 9:34

Me ga’ar Peter ngak, “Eneas, ke gol nigem Jesus Kristus. Mu suwon ngam ngongliy rogon e bet rom.” Ka chingiyal’ nem me suwon Eneas.

Acts 3:6

Me ga’ar Peter ngak, “I gag e dariy e salpiy rog, machane bay gu pi’ ngom e n’en ni bay rog: gu be yog ngom u fithingan Jesus Kristus nu Nazareth ni ngam sak’iy ngamman!”

Mark 1:34

Pire’ e girdi’ nib m’ar ni bo’or mit e liliy ni bay rorad ni gol nagrad Jesus, ma bpire’ e mo’onyan’ ni tuluf ngar chuwgad rok e pi’in ke ying e mo’onyan’ ngorad. Ma de pag Jesus fapi mo’onyan’ ni ngrogned ban’en, ya yad manang ko ir mini’.

Kolose 2:15

Mu daken e re kuruth nem e ir e chuweg Kristus ir riy u fithik’ i gelngin e pi kan nib kireb nma gagiyeg nge pi kan nma tay murung’agen ban’en; ni aram e ke gel ngorad min sebaliyrad nike m’on be fekrad i yan ni kar manged kalbus rok.

Luke 9:1

Ma aram me ulunguy Jesus fa ragag nge l’agruw i gachalpen nge pi’ gelngirad nge mat’awrad ni ngar tulufed urngin e mo’onyan’ nike ying ngak e girdi’ miyad chuweg e liliy.

Matthew 14:24

ma re ngiyal’nem e ke n’uw yang e gin ke yan fare bowoch riy u lan e lipath, ni be yin’ e n’ew, ya be yan nga mit e nifeng.