Acts 15:36 - Bible Ni Thothup

³⁶ Me yan in e rran nga tomuren me ga’ar Paul ngak Barnabas, “Ngad sulow ngad guyew pi walagdow ni girdi’en Kristus u lan urngin e binaw nda machib nigew e thin rok Somol riy, ngad nangew rogorad.”

Acts 15:36 Referans Kwoze

Acts 14:6

Ma fa’ani nang fa gali apostel murung’agen, miyow mil nga Lystra nge nga Derbe, ni l’agruw i binaw ni bay u lan yu Lykaonia, nge yungi n’en ni ir e bmigid ngaram.

Acts 13:4

Fare Kan Nthothup e l’oeg Barnabas nge Saul ngranow, miyow yan u rom nga Selucia miyow af nga barkow u rom ngranow ko donguch nu Cyprus.

Acts 13:51

Me rurug fa gali apostel e fiyath u ayrow nib togopluw ngorad miyow yan u rom nga Ikonium.

2 Korinth 11:28

Dawor gu weliy yugu boch ban’en ni bochan e gubin e rran nder paslegan’ug ni bochan e gu be leamnag urngin e galesiya i yan.

Roma 1:11

Ri gub adag ni nggub gguymed nggu pi’ e thin rok Got ngomed nge gelnagmed.

Acts 14:1

Ma ku aray rogon e n’en nrin’ u lan yu Ikonium: yan Paul nge Barnabas nga tafen e mu’ulung rok piyu Israel ngar welthingow, ma bo’or piyu Israel nge pi’in gathi yad piyu Israel nra piggad nge mich Jesus u wun’rad.

Exodus 4:18

Me sul Moses ngak Jethro, ni chitamngin le’engin, me ga’ar ngak, “Wenig ngom, mpageg nggu sul ngak pi girdi’eg ni yad bay u Egypt ngguy ko ka yad bay fa karm’ad.” Me fingichiy Jethro Moses.

2 Timothy 1:4

Dagur pag talin lu’am ni map’, ma ku gum’ ni bochan ni gomanga gguyem nggu felfelan’.

1 Thessalonika 3:6

Ere chiney e ke sul Timothy romed ngomad, ma ke fek murung’agmed i yib nri gamad ba’adag ni nggu rung’aged, ni murung’agen rogon nib mich Kristus u wun’med nge rogon nrib t’uf romed Kristus nge girdi’. Ke weliy ngomad ni gubin ngiyal’ ma gimed ma leam nagmad ni gimed ba felfelan’ ngay, ma gimed ba’adag ni ngam guyed gamad ni bod rogon ni gamad ba’adag ni ngug guyed gimed.

Acts 14:21

Me machibnag Paul nge Barnabas ngak e girdi’ u lan yu Derbe fare Thin Ni Bfel’ ni murung’agen Jesus, ma bo’or e girdi’ ni mich u wun’rad ngar manged pi gachalpen Jesus. Ma aram miyow sul nga Lystra ngranow u rom nga Ikonium, miyow yan u Ikonium nga Antiok ni bay u lan yu Pisidia.

Acts 7:23

“Ma fa’ani yan i gaman aningeg i ragag e duw yangren Moses, me turguy u wan’ ni nge yan i guy piyu Israel ni aram girdi’en.

Matthew 25:43

i gag be’ nda mu nanged owcheg ma da mfeked gag nga tabinaw romed, dariy e mad ni gon’ ma da mpi’ed e mad ni nggon’; gu m’ar ma ug moy u kalbus ma da mu ayuweged gag.’

Matthew 25:36

dariy e mad ni nggon’ mi gimed pi’ e mad ni nggon’; gu m’ar mi gimed taliliy nigeg, ma gu bay u kalbus mi gimed yib mu guyed gag.’

Jeremiah 23:2

Irera’ e n’en ni SOMOL, ni ir e Got nu Israel, e be yog ni murung’agen e pi’in yad be gagiyeg ni yad e ngu’ur ayuweged e girdi’ rok ni be ga’ar, “Kam wereged e girdi’ rog ka ra weargad; da um ayuweged yad. Ere bay gu gechig nagmed ni bochan e pi kireb ni ka mu ngongliyed. I Gag SOMOL e kugog e pi thin ney.

Filippi 1:27

Ere n’en nth’abi ga’ fan ni ngam rin’ed e nge par pangimed ni bod rogon ni be yog e thin rok Kristus, ya demturug ko ke yag fa de yag ni gub gguymed, machane mu gu rung’ag ni kam pired ni gimed bmuduwgil nta’a ban’en e gimed be nameg, ma gimed be athamgiliy u ta’ab yang ni ta’a ban’en e gimed be athpeg ni aram e nge mich u wan’ e girdi’ fare Thin Ni Bfel’.

Acts 13:12

Ma fa’ani guy fare am e n’en nike rin’ fa’anem, me mich Jesus u wan’; me ri gin ko tin nike rung’ag ni murung’agen Somol.

Ester 2:11

Gubin e rran ma yug be cheal Mordekai u lan e yoror ko fare tafen e ppin, ni bochan e ba’adag ni nge nang salpen Ester, me nang ko mang e bay nrin’ ngak.