Acts 14:18 - Bible Ni Thothup

¹⁸ Mus ko pi thin ney ni weliy fa gal apostel ngorad ma ku be mo’maw’ rogon ni ngar talegew fapi girdi’ ni aram urngirad ni nge dab ra pi’ed e maligach ngorow.

Acts 14:18 Referans Kwoze

John 6:15

Me nang Jesus ni yad be n’en ni ngarbad ngak ngar feked ngar ted ni ir e nge mang pilung rorad, ndemturug ko ba’adag Jesus fa dabun; ma aram me pagrad nge yan nga daken e burey ni go ir.

Genesis 19:9

Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.

Genesis 11:6

me ga’ar, “Picha’ ney e yad ta’ab girdi’ ma ta’reb e thin rorad, ma aray e kar tabolngin niged e tin ngar ngongliyed. Dabi n’uw nap’an me yag rorad ni yug tin yad ba’adag miyad ngongliy.

Matthew 13:15

Ya lolugen e pi girdi’ ney e bm’urm’ur; ya kar ninged telrad, ma kar moleged owcherad. Ya fa’an mang e n’en ma ke guy lan owcherad ban’en, ma ke yag ni rung’ag telrad ban’en, ma sana ke yag ni nang lanin’rad fan ban’en ma sana ke yag nra pigichealgad ngog, ngug gol nagrad.’ Aray rogon e thin ni yog Got.

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

Acts 14:19

Ma boch piyu Israel nrabad u Antiok ni bay u Pisidia nge boch piyu Israel nrabad u Ikonium, e ra pingeged laniyan’ fapi girdi’ ni aram urngin ngar folgad ngorad ngar malang niged Paul, nge mu’ miyad girengiy i yan nga wuru’ e binaw, ni kar fineyed ni kem’.