Acts 13:38 - Bible Ni Thothup

^38-39 Pi walageg, gimed urngin ni ngar mu nanged nu daken Jesus e ke yag ni ngan machibnag riy ngomed murung’agen e denen nrayag ni nge n’ag Got fan; ma ngam nanged ni urngin e girdi’ nra mich Jesus u wun’rad e kan n’ag fan urngin e denen rorad ndabiyag ni nge n’ag fare Motochiyel rok Moses fan.

Acts 13:38 Referans Kwoze

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

1 John 2:12

Gu be yol ngomed, pifakag, ni bochan e ke n’ag Got fan e denen romed u wan’ ni bochan fithingan Kristus.

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

Kolose 1:14

ni ir e ke pithigdad rok urngin mit e kireb ma ke n’ag Got fan e denen rodad u daken.

Efesus 1:7

Racha’en Kristus ni map’ u kuruth e ir e pithigdad ko denen, me ir e n’ag Got fan e denen rodad riy. Ri ba ga’ e runguy rok Got ngodad,

Acts 28:28

Me ul ul Paul ngay nge ga’ar, “Ere ngam nanged ni thin rok Got ni murung’agen rogon min thap ngak Got e kan pi’ ke yan ngak e pi’in gathi yad piyu Israel. Ma bay ra motoyilgad ngay!”

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Hebrews 9:22

Rriyul’, nrogon ko fare Motochiyel e oren ban’en e yibe be’echnag ko racha’; ma denen e be n’ag Got fan rok e girdi’ ni kemus ni fa’anra ni pu’og e racha’.

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Acts 4:10

me ere susun e gimed gubin ni go’ ngam nanged, nge urngin e girdi’ nu Israel nsusun e ngar nanged, nre mo’on ni ba’aray nib sak’iy u roy u p’eowchemed e kari gol ni gelngin fithingan Jesus Kristus nu Nazareth e ir e ke golnag — ni ir fa’anem ni mu kuruth niged nge mu’ me faseg Got ko yam’.

Acts 2:14

Me sak’iy Peter ngalang nge fa ragag nge ta’reb i apostel, me tabab i welthin ngak fapi girdi’ ni aram urngin ni ba ga’ laman ni be ga’ar; “Gimed piyu Israel, nge gimed urngin e girdi’ ni gimed be par u lan yu Jerusalem, mmotoyilgad ngog mi gimed tedan’med ko tin ni nggu weliy.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Ezekiel 36:32

Israel, gu ba’adag ni ngam nanged ni gathi nggu rin’ urngin e pin’ey ni bochmed. Gu ba’adag ni ngar mu tamra’gad mi gimed thamiy fenmed thiyar u wan’ e girdi’ ni bochan e n’en ni gimed be rin’. I Gag SOMOL ni Th’abi Tolang e gu be yog e pi thin ney.”

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Psalms 130:7

Israel, mu pagan’um ngak SOMOL, ni bochan e t’ufeg rok e dabimus, gubin ngiyal’ ni yugu be par ni ba’adag ni nge mat’aw nigem ngak.

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Psalms 32:1

Ba felan’ e cha’ nike n’ag Got fan e denen rok, ni kireb rok e ke thang Got.

Hebrews 8:6

Machane chiney e kan pi’ e maruwel ko prist ngak Jesus ni ka ba ga’ ko maruwel ni i tay e pi prist, ni bod rogon fare m’ag ni fal’eg rogon u thilin Got nge girdi’ e kabfel’ ko bin kakrom e m’ag, ni bochan e kan duwgiliy nga daken e pin’en ni kab gel e fel’ riy ni yog Got ni bayi pi’ ngak e girdi’.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Daniel 3:18

Machane fa’anra dabi ayuwegmad, me gur pilung e nga mu nang ndab gu ted fan e birom e got, ma dab gu siro’gad ko fare liyos ni gol ni kam n’uf ngalang.”

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”