Acts 13:35 - Bible Ni Thothup

³⁵ Ni bod rogon ni kari yog u bang u lan e babyor nib thothup nike ga’ar, ‘Dabiyag ni ngam pag e tapigpig rom nib yul’yul’ nge mel u lane low.’

Acts 13:35 Referans Kwoze

Psalms 16:10

ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.

Hebrews 11:5

Michan’ rok Enok ngak Got e ir e tay Enok nde yim’. Ma aram min fek ngalang ngak Got, ndakuriy be’ ni ki pir’eg, ni fan e Got e ke fek ngalang. Be yog e babyor nib thothup nu m’on riy ndawor ni fek ngalang ma bfel’ Enok u wan’ Got.

John 8:51

Nggog e tin riyul’ ngomed: en nra fol ko thin ni pi’ Got ngog ni ir e gu be yog ngomed e dabki yim’ bi’id.”

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

Luke 2:26

nike micheg fare Kan Nthothup nga laniyan’ ni dabi yim’ me guy fare Messiah ni yog Somol ni bayi pi’.

Psalms 89:48

I mini’ e ra par ndabi yim’? Uw rogon ni nge ayuweg e girdi’ ir ni nge dabki yan nga low?

Psalms 49:9

ni nge talegdad ko yan nga low ngad pired ni dab da m’ad bi’id.