Acts 13:20 - Bible Ni Thothup

²⁰ Gubin e pi n’ey ni rin’ u lan gonap’an aningeg mir’ay nge wugem e duw. “Tomuren e biney me pi’ ngorad e pi tapuf oloboch, ni nge mang yad e rogned e thin rorad nge yan i mada’ nga nap’an Samuel ni profet.

Acts 13:20 Referans Kwoze

Judges 2:16

Ma aram me pi’ SOMOL ngak piyu Israel boch e tayugang’ ni ngar ayuwegedrad u pa’ e pi’in yad be giliw nagrad.

1 Samuel 3:20

Ma aram me par ni urngin e girdi’ nu Israel u baley e nam nge mada’ nga baley ni yad manang ni Samuel e riyul’ ni ir ba profet rok SOMOL.

Acts 3:24

Ma pi profet nib mu’un Samuel ngay nge tin nrabad nga tomuren, ni urngin e pi’in nra weliyed e thin rok Got ngak e girdi’, e ku ra weliyed murung’agen e tin daba’ e rran.

1 Kronicles 17:6

Ma n’umngin nap’an e milekag ni kug tay ni gamad e pi girdi’ nu Israel mdariy bangiyal’ ni kug fith reb e pi tayugang’ ni gu mel’eg, ko mangfan ndawor rtoyed ba tempel ngog ko gek’iy ni cedar.’

2 Kings 23:22

Dariy reb e madnom ni Paluk’af ni ka’a ni madnomnag ni bod e biney ni ka nap’an e pi tapuf oloboch ni ur gagiyeg niged piyu Israel nge nap’an ni sum e pilung nga Israel ngu Judah nira chuw reb me yib reb nga luwan.

1 Samuel 12:11

Me pi’ SOMOL Jerubbaal, nge Barak, nge Jefthah, nge gag Samuel nggu chuweged gimed u pa’ e pi to’ogor romed, mi gimed par ndakuriy e riya’ u puluwmed.

Ruth 1:1

Pi rran nem ni pi’in tapuf oloboch e be gagiyegnag yu Israel e yib ba uyongol ko re nam nem. Mu Bethlehem, ni bay u lan e nam nu Judah, e yan be’ nib mo’on riy ko nam nu Moab ni nge par u rom ni bay n’umngin nap’an; me un le’engin nge l’agruw i pumo’on ni fak ngak ngranod.

Judges 3:10

I yib fare gelngin SOMOL nga daken, me mang ba tagagiyeg nu Israel. Me yan Othniel ko mael, me gelnag SOMOL ko pilung nu Mesopotamia.