Acts 12:4 - Bible Ni Thothup

⁴ Nap’an nni yan ni kol Peter mi ni fek ngar tay nga kalbus, minog ni aningeg ulung e salthaw ni nge matanagiy, nra reb e ulung ma aningeg e salthaw ni bay riy. Ya ke leamnag Herod ni nge m’ay e re madnom nem ni Paluk’af me fek Peter i yib nga p’eowchen piyu Israel.

Acts 12:4 Referans Kwoze

Luke 22:33

Me fulweg Peter ni ga’ar, “Somol, kem’ay i duwgiliy rog u lanin’ug ni nggu un ngom nga kalbus mu gu un ngom ko yam’.”

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Luke 21:12

“Machane u m’on ko ngiyal’ ndawori m’ug e pin’ey riy e bay ni kolmed ngan fekmed, ma bay un gafgow nagmed; ma bay ni pi’med ngan pufthin nagmed u lan tafen e mu’ulung i yan ma bay nta’med nga kalbus; ma bay ni fekmed nga p’eowchen e pi pilung ko nam nge pi’in yad be yog e thin ni bochan e gimed girdi’eg.

Acts 4:28

Ra mu’ulunggad ni ngar rin’ed urngin e tin kem’ay i duwgiliy rom ni ngan rin’, ni gelngim e mu duwgiliy ngay.

Acts 4:3

Ma aram miyad fekrow ngar ted yow nga kalbus nge yan i mada’ nga reb e rran, ya ke neap’.

John 21:18

Nggog e tin riyul’ ngom: nap’an ni kagab pagel ma um m’ag e leed rom nga lukngum ni aram e kan fal’eg rogom ni ngam man ko gin ni ga be finey ni ngam man ngay; machane bay mpilibthir ma ga k’iyag pa’am nruw raba’ me m’ag be’ me fekem i yan ko gin ndabum ni ngam man ngay.” (

Matthew 26:5

Me lungurad, “Thingar dab da rin’ed ko ngiyal’ ni yibe madnom riy, ya ra yib e girdi’ ngodad ncham.”

Matthew 24:9

“Ma aram e bayi kolmed e girdi’ ngar pi’ed gimed ngan gechig nagmed, ma bay nthang e fan romed. Ma urngin e girdi’ ni bay ra fanenikayed gimed ni bochag.

Proverbs 27:1

Dab mu uf ko tin ngam rin’ gabul, ya da mu nang e n’en ni bay yib u thilin e chiney nge gabul.

Ester 3:13

Girdi’en e mil e ra feked e yungi babyor ney nga gubin yang e nug u lan gil’ilungun fare pilung. Bay riy ni kanog ni rofen ni ragag nge dalip ko pul ni Adar e ngan thang e fan rok gubin e Jew, ni fel’ yangren nge pilbithirl, nge ppin nge bitir. Yira li’rad ko saydon ni dab ni runguyrad mi ni fek rorad e tin nib milfan ngorad.

Acts 8:3

Machane me guy Saul rogon ni nge thang mit fare galesiya, ni be yan u reb e naun nga reb ni be girengiy e pi’in ke mich Jesus u wun’rad nga waen, ni pumo’on nge ppin, ngi i yin’rad nga kalbus.

Acts 5:18

Miyad kol e pi apostel ngron’ed yad ngalan e kalbus nib milfan ngak e am.

John 19:23

Ma fa’ani mu’ e salthaw i richibiy Jesus ko fare kuruth, miyad fek e mad rok ngar f’othed ni aningeg e f’oth riy, nra reb fapi salthaw ma reb e f’oth. Ma ku errogon nra feked fare mad rok nib n’uw nni ngongliy u ta’ab yang i mad nlifith nga paay, ndariy yu yang nni puthuy riy.

Lamentations 3:37

Tiriggil rok Somol e gubin ngiyal’ nma yan ni bfel’ rogon ni dabiyag i thilyeg.

Exodus 12:1

Me non SOMOL ngak Moses nge Aron u lan yu Egypt ni ga’ar,

Mark 14:1

Ngiyal’nem e ka l’agruw e rran me taw ko madnom ko Paluk’af nge madnom ni yira kay e flowa nda ntay e is nma thownag e flowa ngay. Ma aram mi i gay e pi tolang ko prist nge pi tamchib ko Motochiyel kanawo’en e n’en nra rin’ miyad kol Jesus ndab nnang ngar li’ed ngem’.

Acts 12:3

Ma fa’ani guy ni bfel’ u wan’ piyu Israel e ren’em, me ga’ar nga ni yan ni kol Peter ngan fek. (Nrin’ e ren’ey ko fa ngiyal’nem ni yibe tay fare madnom ni yima kay e flowa riy nda ntay e is ngay.)

Acts 12:5

Ere ntay Peter u kalbus, machane girdi’en e galesiya e ra pired ni yad be pi’ e meybil rok ngak Got.