Acts 11:28 - Bible Ni Thothup

²⁸ Ma bay bagayad, ni Agabus fithingan, ni sak’iy ngalang me yi’iynag u gelngin fare Kan Nthothup ni bay ba uyongol ni aram e nge yib nga gubin yang u fayleng. (Me yib e re uyongol nem ko fa ngiyal’nem ni Klaudias e Emperor u Roma.)

Acts 11:28 Referans Kwoze

Acts 21:10

In e rran ni kug pired u rom me taw ba profet u Judea ngaram ni Agabus fithingan.

Acts 18:2

Me pir’eg be’ u Israel u rom, ni Aquila fithingan, nni gargeleg u Pontus, ni be’ ni ka fini yib u Italy ni yow e bpin rok ni Priscilla, ni bochan e ke pi’ Klaudius ni Emperor nu Roma e thin ni nge chuw urngin piyu Israel u Roma. Me yan Paul i guyrow,

Luke 3:1

Re ngiyal’ i n’em e ke yan i gaman ragag nge lal e duw ni par Tiberius ni ir e emperor; ma Pontius Pilate e am u Judea, mi Herod e pilung nu Galile, ma walagen i Filip e ir e pilung nu Iturea ngu Trakonitis; mi Lysanias e pilung u Abilene,

Luke 2:1

Re ngiyal’ i n’em e wereg Augustus ni Emperor ni ga’ nu Roma e thin ni nge urngin e girdi’ ni bay u tan pa’ e ngar ted fithingrad nga babyor ni fan e ngan nang urngin e girdi’ rok.

Genesis 41:38

me ga’ar Farao ngorad, “U uw e gomanga gadad ra pir’eg reb e mo’on riy ni bod e cha’ney, ni bay gelngin Got rok?”

Matthew 24:14

Ma re Thin rok Got ney Ni Bfel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomuren e fayleng.

Matthew 24:7

Ya bay reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bay i yib e uyongol nge durru’ u gubin yang.