Acts 10:48 - Bible Ni Thothup

⁴⁸ Me yog ni ngan tawfe nagrad nga fithingan Jesus Kristus. Ma aram miyad wenig ngak Peter ni nge par rorad ni in e rran.

Acts 10:48 Referans Kwoze

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Acts 8:16

Ya aram e dawori yib fare Kan Nthothup nga daken bagayad; ya kemus ni kan tawfe nagrad nga fithingan fare Somol ni Jesus.

Galatia 3:27

Ya kan tawfe nagmed ko ta’ab girdi’ ni kam ted Kristus, ma aram fan nike yag ngomed fel’ngin Kristus.

Acts 19:5

Ma fa’an rrung’aged e re bugithin ney, min tawfe nagrad nga fithingan Somol Jesus.

Acts 8:12

Machane fa’ani mich u wun’rad e Thin Ni Bfel’ ni yog Filip ngorad ni murung’agen e gagiyeg rok Got nge ngachalen Jesus Kristus, ma aram min tawfe nagrad, ni ppin nge pumo’on.

John 4:2

Machane bin riyul’ riy e Jesus e de tawfenag be’; ya kemus ni pi gachalpen e ur tawfeniged e girdi’.)

John 4:40

Ere fa’ani yib piyu Samaria ngak miyad wenig ngak ni nge par rorad; me par Jesus u rom ni l’agruw e rran.

Acts 16:15

Ma aram min tawfenag e re pin nem nge girdi’ nu tabinaw rok. Me yog ngomad ni nggu warod nga tabinaw rok ni ga’ar, “Ngambad ngam pired u tabinaw rog, ni fa’anra ke muturug u wun’med nike mich u wun’ug Somol.” Me wenig ngomad ni nggu warod.