Acts 10:17 - Bible Ni Thothup

¹⁷ Me par Peter ngi i leamnag fan e ren’em ni kan piliyeg e changar rok ke guy. Ma aram e fapi pumo’on ni l’oegrad Kornelius e kar nanged e gin ni bay e naun rok Simon riy, ni aram e kar sak’iygad nga langan e garog riy.

Acts 10:17 Referans Kwoze

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

Acts 25:20

Ma da gu nang rogon mu gu pir’eg murung’agen e pin’em, ma aram mu gu fith Paul ko ba’adag nra yan nga Jerusalem ngan pufthinnag u rom ko pi thin nem ni kanog nib togopluw ngak.

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Acts 9:43

Me par Peter rok be’ u Joppa ni bo’or e rran, ni be’ ni Simon fithingan nma fal’eg rogon keru’ e gamanman.

Acts 5:24

Ma fa’ani rung’ag e en ni ir e mmil fan e pi’in nmatnagen e Tempel ngak nge pi tolang ko prist, mu ur fithed yad ko n’en nike rin’ fapi apostel.

Acts 2:12

Ma yad gubin nra bagayad ma be fith bagayad ni be ga’ar, “Be mang e ren’ey?” Ya kar ngatgad ma ke balyangan’rad.

John 13:12

Ma nap’an ni mu’ i luknag e rifrif u ayrad me yin’ Jesus e thal ni wuru’ e mad rok nga daken me sul nge par nga tagil’ u tebel. Me fith ngorad ni ga’ar, “Kam nanged fan e n’en ni ka fini gu rin’ ngomed?

Acts 9:10

Ma bay be’ ni gachalpen Jesus u lan yu Damaskus ni Ananias fithingan. Mi ni piliyeg e changar rok, me ga’ar Somol ngak, “Ananias!” Me fulweg ni ga’ar, “Somol, gub aray.”