3 John 1:6 - Bible Ni Thothup

⁶ Kar weliyed rogon farad t’uf rom ngak girdi’en e galesiya nu roy. Wenig ngom, mu ayuwegrad nge yag nranod ko milekag rorad nrogon nib m’agan’ Got ngay.

3 John 1:6 Referans Kwoze

1 Thessalonika 2:12

Ug pi’ed e athamgil nga lanin’med, ma ug fal’eged lanin’med, mu ug ted gamad ngomed ni ngu’um pired ko fa binem e pangin ni ir e rib m’agan’ Got ngay, ni ir e ke piningmed ni ngam uned ngak ko par nge fla’ab ko gin nsuwon.

Titus 3:13

Mu guy rogon ngam ayuweg Zenas ni ir e sukulnag e motochiyel nge Apollos ngar milekaggow, ma gguy rogon nge yag urngin e tin nge yag ngorow.

Acts 15:3

Miyad yan ni girdi’en e galesiya e ke l’oegrad, ma nap’an nranod u lan yu Fonicia nge yu Samaria miyad weliy ngak girdi’en e galesiya ko gali yang i nug nem rogon nike thap e pi’in gathi yad piyu Israel ngak Got; ma re bugithin ney e ba ga’ ba felfelan’ ni pi’ ngak urngin e tin ni ba’aram i girdi’en Kristus ni kar rung’aged.

1 Peter 2:20

Ya mang puluwon nra yib ngomed ni fa’anra mu k’adan’med ko dumow ni bay tapgin ni nge aw ngomed ni fan e kam rin’ed ban’en nib kireb? Machane fa’anra mu k’adan’med ko gafgow ni mus ko ngiyal’ nib mat’aw e tin ni kam ngongliyed, ma ra fal’eg Got wa’athmed riy.

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

Filippi 4:14

Machane ri gimed ba gol ni kam ayuweged gag ko gafgow nike yib ngog.

2 Korinth 1:16

Ya gu finey ni nggub ni nggu wan nga Macedonia mu gu tal ngug guymed mu gu sul mu kug tal ngam ayuweged gag ko tin ni nge yag ngog ni fan ko milekag rog nga Judea.

Roma 15:24

e kug finey ni nggu rin’ e chiney. Ra gub ni nggu wan nga Spain ma gub adag ni ngug guymed, mi gimed ayuwegneg nggu thap ngaram u tomuren ni kug felfelan’ ni kad pired boch.

Acts 21:5

Ma fa’ani taw nga nap’an ni nggu paged yad, ma gamad yan. Ma yad gubin, ni cheag e ppin rorad nge pifakrad ngorad ngar uned ngomad i yib nga wuru’ e re binaw nem. Ma gamad ragbug nga but’ u daken e yan’ u dap’el’ay ni gamad gubin nggu meybilgad.

3 John 1:12

Urngin e girdi’ ma yad be yog ni bfel. Ma ku er rogomad ni gamad be micheg e re bugithin nem, ma ga manang ntin ni ku gogned e ba riyul’.

Acts 15:29

ni aram e dab mu ked e ggan ni kan pi’ ni maligach ko liyos nma meybil boch e girdi’ ngay; ma dab mu ked e racha’; ma dab mu longuyed e gamanman nni uchuluy k’angan nge yim’; mi gimed ayuwegmed ndab mu pired be’ ni gathi mabgol romed. Gimed ra rin’ e tin nib mat’aw ni fa’an gimed ra par ni dab mu rin’ed e pin’ey. Ere kefel’.”

Jonah 4:4

Me fulweg SOMOL ni ga’ar, “Mang mat’wum ni ngam damumuw?”

Genesis 4:7

Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”