3 John 1:5 - Bible Ni Thothup

⁵ Fager rog ni gab t’uf rog, ri gab yul’yul’ ko maruwel ni ga be rin’ ni fan ngak e pi’in walagdow ni girdi’en Kristus, ni mus ngak e pi’in nda mu nang owcherad.

3 John 1:5 Referans Kwoze

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Kolose 3:17

Ere urngin ban’en ni ngu’um rin’ed ara gimed be yog ma ngam rin’ed u daken fithingan Somol Jesus, ma gimed be pining e magaer u daken ngak Got ni Chitamangiy.

Luke 12:42

Me fulweg Somol ni ga’ar, “Ere mini’ e en ni ir fare tapigpig nib yul’yul’ ma ba gonop? I ir e en ni masta rok e tay ni nge milfan urngin ban’en ngak, ma be ayuweg e tabinaw, ma be pi’ ngak e tin ni kabay e tapigpig e tirorad e ggan ko ngiyal’ ni yima pi’ riy.

Matthew 24:45

“Ere mini’ e en ni ir fare tapigpig nib yul’yul’ ma ba gonop? I ir e en ni masta rok e ke tay ni nge milfan e tin kabay e tapigpig ngak, ni nge pi’ garad ko ngiyal’ ni yima pi’ riy.

Acts 1:15

In e rran nga tomuren me mu’ulung e pi’in ke mich Jesus u wun’rad, ni gonap’an yad ra’ay nge rliw’ u gubin, me sak’iy Peter ngalang ni nge welthin.

Roma 12:13

Mpi’ed boch e tin bay romed ban’en ngak e pi’in pi walagmed ni girdi’en Kristus ko ngiyal’ ndabisiy ni nge yag ngorad, mi gimed bing e tabinaw romed ngak e milekag.

Hebrews 13:2

Dab mpaged talin ni ngam ayuweged e milekag ni karbad nga tabinaw romed. Ya bay boch e girdi’ ni ur rin’ed miyad ayuweg e pi engel ndar nanged.

3 John 1:3

Ri gu felfelan’ ko ngiyal’ ni ba’aram ni taw boch pi walagdow ni girdi’en Kristus miyad yog rogon fanam yul’yul’ ko tin nib riyul’ — ni bod ni ga ma par ni gubin ngiyal’ ni ga ma fol ko tin riyul’.

3 John 1:10

Bay gub mu gu weliy ngomed urngin ban’en nike rin’: ni pin’en nib kireb nike yog ni murung’agmad nge urngin e tin ni be yog nde riyul’! Machane gathi kemus ara’; ya bmuduwgil ni gathi bayi changar ngak e pi’in walagdow ni girdi’en Kristus ko ngiyal’ ni bay rabad, ma ku bayi taleg e pi’in yad ba’adag ni ngar ayuweged yad, ma bayi guy rogon ni nge chuwegrad u lan e galesiya!

Matthew 25:16

Ma fare tapigpig ni kan pi’ lal biyu’ e salpiy ni wasey nib gol ngak e yan ni kachingiyal’ nem nge maruwel ko fare salpiy ni kan pi’ ngak ngki yagnag reb e lal i biyu’ riy.