3 John 1:14 - Bible Ni Thothup

¹⁴ Ya gu be finey ni nggub ni kane’ ngad nonow nga ta’bang.

3 John 1:14 Referans Kwoze

1 Peter 5:14

Gimed ra mada’ mu um farayed owchemed u fithik’ e t’ufeg nrogon e pi’in ni girdi’en Kristus. Nguum pired e pi’in ni gimed girdi’en Kristus nib gapas lanin’med.

Efesus 6:23

I Got ni Chitamangiy nge Somol Jesus Kristus e ngu’ur pi’ew e gapas nge t’ufeg ngak urngin pi walagdad ni girdi’en Kristus, nib chagil ngay rogon nib mich Kristus u wun’uy.

Galatia 5:16

Ba’aray e n’en ni nggog: mpaged fare Kan Nthothup nge mang ir e i gagiyegnag pangimed, ma aram e dab um marod nga ar’aren lanin’med.

Daniel 4:1

Ba’aray e thin ni pi’ Nebukadnezzar ni Pilung nge yan ngak girdi’en urngin e pi nam, nge pi racha’, nge pi thin nu fayleng ni be ga’ar: “Ngu’um pired ni bfel’ rogomed.

Genesis 43:23

Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.

John 10:3

En nma matnagiy langan e garog e bing e garog ngak fa’anem, ma fapi saf e rrung’aged laman ni be pining fithingan e saf rok ntata’reb, me fekrad nga wuru’ e yoror.

John 20:19

Ke n’uw nap’an nike aw e lumor ko re rran nem ni madnom nike mu’ulung pi gachalpen Jesus nga ta’bang kar man’ niged e mab ngorad, ya yad be tamdag ngak piyu Israel. Me sak’iy Jesus nga fithik’rad me ga’ar ngorad, “Nge yib e gapas ngomed.”

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

2 John 1:12

Bo’or ban’en ni ngog ngomed, machane gu ba’adag ndab gu tay nga babyor; ya gu be finey ni nggub gguymed ngad nonad, nge yag nda felfelan’gad.