2 Timothy 3:6 - Bible Ni Thothup

⁶ Boch i yad e be yan ngalan e tabinaw i yan yad be guy rogon ni ngar gagiyeg niged e pi’in ni ppin nib me’waer nike tomal nagrad e denen ni yad be rin’ ma kemang urngin mit e ar’ar e be gagiyeg nagrad,

2 Timothy 3:6 Referans Kwoze

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.

2 Peter 3:17

Machane gimed e pi tafager rog e go’ kam nanged e re bugithin ney. Ere mu gonopiyed gimed, nge dabiyag ni waliymed nga bayang e oloboch ni be tay e pi’in ndariyfan e motochiyel u wun’rad ngam thaygad ko gin kam pired riy ni dabi buch ban’en romed riy.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Jude 1:18

Ya fa’an rogned ngomed ni lungurad, “Ra taw ko tin tomuren e rran ma bayi m’ug e girdi’ ni bay ur moning niged gimed, ni girdi’ ni tin nib kireb ni yad be yim’ ni bochan, e ir e yad be fol riy.”

Titus 1:11

Dabi siy ni ngan talegrad ko tin ni yad be weliy, ya yad be yo’ornag laniyan’ girdi’en e tabinaw i yan, ni bochan e yad be machibnag e tin nsusun e dab ra machib niged ni fan e kemus ni nge yag e salpiy ngorad, ni ban’en ni ngan tamra’ ngay.

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

1 Korinth 12:2

Gimed manang ni ngiyal’ ni ba’aram ndawor mu nanged Got riy e i gagiyeg nagmed e liyos nma meybil boch e girdi’ ngay, ni bogi ban’en nib yam’, ni gubin ngiyal’ ma yad be fekmed nga wuru’ e kanawo’.

Mark 4:19

machane bochan e pin’en nma magafan’ e girdi’ ngay ko biney e tamilang, nge chogowen e fel’ rogon, nge urngin mit ban’en ni yad be chogownag ni nge yag ngorad e sugnag lanin’rad nge thang fapi thin rok Got u lanin’rad, ma aram ma dar k’ufgad.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

1 Timothy 6:9

Machane pi’in yad ba’adag ni nge yo’or e salpiy rorad e yad ma pagrad ngak e pin’en nma pingeg e girdi’ nge denen, miyad aw ko wup ko ar’ar ni aram e yibe ar’arnag e tin ndariyfan nge tin nra kireb nigey, ni ir e ma girengiy e girdi’ ko kireb miyad malog.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Psalms 38:4

Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

Matthew 4:24

Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

1 Timothy 5:6

Machane re pin nike yim’ e pumo’on rok ma ke pi’ ir ko tin ni be ar’arnag ke pag rogon e yugu aram rogon ni be par nib fos, machane ba yam’.

Matthew 23:14