2 Timothy 3:11 - Bible Ni Thothup

¹¹ nge gafgow ni yibe tay ngog, nge gafgow ni gu be tay. Ga manang urngin e pin’en ni kanrin’ ngog u lan yu Antiok, ngu Ikonium, ngu Lystra, ni fapi gafgow nrib gel ntay ngog mu gu k’adan’ug riy! Machane Somol e ke ayuwegneg riy ni gubin.

2 Timothy 3:11 Referans Kwoze

Psalms 34:19

En nib mat’aw e bo’or e gafgow nma yib ngak, machane SOMOL e ma chuweg u fithik’ ni gubin.

Acts 13:45

Ma fa’ani guy piyu Israel fapi girdi’ ni aram urngirad, me yib e awan’ ngorad; miyad non nib togopluw ko thin ni be yog Paul miyad yog e thin nib kireb ngak.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

Acts 26:22

Machane ke yib i mada’ ko bin daba’ e rran ni i ayuwegneg Got, ere kug sak’iy u roy ni gu be weliy e pin’ey ngomed ni gimed gubin, ni ta’reb rogon e pi’in nsobut’ nge pi’in nib tolang. N’en ni gu be yog e ireray fare n’en ni yog e pi profet nge Moses ni bay yib i m’ug ni lungurad:

Acts 26:17

Ma bay gu ayuwegnem rok piyu Israel nge pi’in gathi yad piyu Israel, ni yad e bay gu pi’em ngam man ngorad.

Acts 23:10

Me ri elmerin e malu’ag thin ni yad be tay me rusnag fare pilungen e salthaw Paul ni bay ra popfed. Me yog ngak e salthaw rok ni ngranod ngalan fare ulung ngar feked Paul ngar chuweged rorad, miyad fek nga tafen e salthaw.

Acts 20:19

U fithik’ e gafgow ni yib ngog ni bochan e makath ni tay piyu Israel e gu ngongliy e maruwel rog u fithik’ nrogon e tapigpig rok Somol, ni gu rin’ u fithik’ e sobut’an’ nge lu’.

Acts 13:14

Miyad yan u Perga nga Antiok ni bay u lan yu Pisidia; me chirofen ni Sabbath miyad yan nga lan tafen e mu’ulung ngranod ra pired nga but’.

Acts 9:16

Me gag e bay gu dag ngak urngin e pin’en nthingari gafgow riy ni bochag.”

Daniel 6:27

Ma ayuweg e pogofan mma chuwegey u fithik’ e riya’; ma ngongliy e tin yira ngat ngay nge pi maang’ang u tharmiy ngu but’. Ke ayuweg Daniel rok e layon.”

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Psalms 91:14

Be ga’ar Got, “Bay gu ayuweg e pi’in gub t’uf rorad, mu gu yoror rok e pi’in yad manangeg.

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

2 Samuel 22:49

ma chuwegneg u pa’ e pi to’ogor rog. SOMOL, i gur e ga ma gagiyeg nigeg ngug gel ngak e pi to’ogor rog, ma ga ma yororiyeg rok e pi’in yad ma cham ngog.

2 Samuel 22:1

Irera’ fare tang ni yin’ David ngak SOMOL ko fa ngiyal’nem ni ayuweg SOMOL David u pa’ Saul ngu pa’ yugu boch e pi to’ogor rok. I ga’ar:

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

Acts 14:8

Ma bay be’ nib mo’on u Lystra nib mugutgut ay nruw raba’; nni gargelnag ma aram rogon ma dawori un ko yan bi’id.

Roma 15:31

Mu yibilgad ni nge ayuwegneg Got rok e pi’in nde mich Jesus u wun’rad ni yad bay u Judea, me m’ag u wan’ e girdi’ rok Got nu rom e pigpig ni bay gu tay u lan yu Jerusalem.

2 Korinth 1:5

Ni bod rogon ni bay e f’oth rodad ko pi gafgow ni tay Kristus, ere ku errogon nu daken Kristus e ra yib e ayuw riy ngodad ni ba ga’ ni birodad e f’oth.

2 Korinth 1:7

Ere der maruwaran’mad ngomed; ya gamad manang nrogon ni kam uned ngomad ko tin ni gamad be gafgow riy, e ku aram rogon ni bay e f’oth romed ko ayuw ni be pi’ Got ngomad.

2 Korinth 12:10

Bfel’ u wun’ug e me’waer, nge thin nib kireb ni nganog ngog, nge tin nib mo’maw’, nge gafgow ni yibe tay ngog, nge tin nib mo’maw’ ban’en ni gu be mada’nag ni fan ngak Kristus. Ya ngiyal’ ni gub me’waer, aram e ngiyal’ ni gub gel.