2 Timothy 1:18 - Bible Ni Thothup

¹⁸ Nge runguy Somol e cha’nem ko Chirofen ni ba’aram! Me gur ma ga manang urngin e tin ke rin’ ni fan ngog u Efesus.

2 Timothy 1:18 Referans Kwoze

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

1 Timothy 1:3

Gub adag ni ngam par u lan yu Efesus, ni bod rogon ni gu wenignag ngom ni ngam rin’ ko fa ngiyal’nem ni gu be yan nga Macedonia. Bay boch e girdi’ u wur ni yad be machibnag boch ban’en ni gathi ir, ere thingar mog ngorad ni ngar talgad.

Revelation 2:1

“Mu yol ngak fare engel ko galesiya nu Efesus ni nge lungum: “Ba’aray e thin nike pi’ fa’anem ni bay fa medlip i t’uf u lan e ba’ ni mat’aw i pa’, ni be yan u fithik’ fa medlip ley i tagil’ e magal ni gol.

1 Peter 1:10

Re kanawo’ ney ni ir e yira thap riy ngak Got e ir e i gay e pi profet; ya yad e ra yi’iy niged e re tow’ath ney ni bayi pi’ Got ngomed.

2 Timothy 4:12

Ku gol’oeg Tykikus nga Efesus.

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

Efesus 2:4

Machane runguy rok Got ngodad e ri ba ga’, ma rogon ni gadad ba t’uf rok e ri ba ga’,

2 Korinth 9:1

Dariy fan ni nggu weliy ngomed u babyor murung’agen e ayuw ni ngan pi’ nge yan ngak e girdi’ rok Got ni yad bay u Judea.

1 Korinth 16:8

Machane kug finey ni nggu par u roy u Efesus nge yan i mada’ ko rofen ni Pentekost.

Acts 19:1

Nap’an ni bay Apollos u Korinth, me milekag Paul u lan e gi nug nem nge yib nga Efesus. Me pir’eg boch i gachalpen Jesus u rom,

Luke 8:3

nge Joanna, ni ppin rok Kuza ni ir reb e salthaw nib tolang u tafen Herod; nge Susanna, nge ku boch e ppin ni ur ayuweged Jesus nge pi gachalpen ko tin ni nge yag ngorad.

Luke 1:78

Ya Got rodad e ri ba wurengan’ ma ba smunguy, ma rogon ni bayi muruwliy ngad thapgad ngak e bod e woch ni puf ram’en nga dakendad,

Luke 1:72

Me yog ni bayi runguy e pi chitamangidad, ya kabay u wan’ e m’ag rok nib thothup.

1 Kings 17:20

Me meybil ni ba ga’ laman ni ga’ar, “SOMOL ni Got rog, mangfan ni kam pi’ e biney e gafgow ni ba ga’ ngak e re pin ney nike yim’ e pumo’on rok? Ya rib gol nga rogon ni be ayuwegneg, ma kam thang e pogofan rok fak!”

Acts 18:19

Miyad taw nga Efesus, me pag Paul Priscilla nge Aquila. Me yan nga tafen e mu’ulung ngar lu’aged piyu Israel e thin.

Acts 18:21

Ya nap’an ni pig ni nge yan me ga’ar ngorad, “Fa’anra mm’agan’ Got ngay ma gu ra sul ngomed.” Ma aram me af nga barkow nge chuw u Efesus.

1 Korinth 1:8

Ma ku bayi ta’med ni gimed bmuduwgil nge mada’ ko tomur, ni fan e nge yan i m’ug ndariy thibngimed ko Chirofen ni bay sul e Somol rodad i Jesus Kristus.

1 Korinth 3:13

Ma ra be’ ma bay ni guy fel’ngin e maruwel rok ko chirofen ni bay fin nchuweg e upong u daken, ni aram e Chirofen ni bay sul Kristus riy. Ya nifiy ko re Rran nem e bayi dag rogon e maruwel rok urngin e girdi’ ni ba’aray rogon: nifiy e bayi sikengnag e maruwel rorad nge be’ me m’ug e bin riyul’ i fel’ngin e maruwel rok.

2 Timothy 1:17

ya nap’an ni yigi taw nga Roma me gayeg i gayeg nge pir’egeg.

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.