2 Timothy 1:16 - Bible Ni Thothup

¹⁶ Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

2 Timothy 1:16 Referans Kwoze

2 Timothy 4:19

Nge felan’ Got ngak Priska nge Aquila, nge girdi’en e tabinaw rok Onesiforus.

Filemon 1:20

Ere walageg u daken Kristus, wenig ngom mu ayuwegneg ko re bugithin ney ni bochan Somol; mu felfelan’ nigeg, ya gur be’ ni walageg gur u daken Kristus!

Filemon 1:7

T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.

Efesus 6:20

Kug mang owchen Got ngak e girdi’ ni bochan e re thin ni bfel’ ney, ni yugu aray rogon ni gu bay u kalbus e chiney. Ere mu meybil niged gag ngu’ug weliy e thin ni bfel’ ni rogon ni nggu rin’ ni dab gu tamdag.

Acts 28:20

Aram fan ni kug wenignag ni ngug guymed nge yag ni gu non ngomed; ya ka nin’ e re chen ney ngog ni bochan fa’anem ni ir e be pagan’ yu Israel ngak.”

Hebrews 10:34

Mu uned ko gafgow ni i tay e pi’in ka nin’rad nga kalbus, ma fa’an nni fek urngin e chugum romed u fithik’ e yargel mi gimed k’adan’med ko chugum romed ni kan fek, ma gimed ba felfelan’ ngay, ya gimed manang ni kabay ban’en romed ni kabfel’ ngay, ni bayi par ni dabi m’ay bi’id.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

2 Timothy 1:18

Nge runguy Somol e cha’nem ko Chirofen ni ba’aram! Me gur ma ga manang urngin e tin ke rin’ ni fan ngog u Efesus.

2 Timothy 1:8

Ere dab mu tamra’ ni ngu’um weliy murung’agen e Somol rodad; fa reb e mu tamra’ ngog, ni kug kalbus ni bochan. Machane mu’un ko gafgow ni fan ko fare Thin Ni Bfel’, nrogon gelngim ni bay i pi’ Got ngom.

1 Korinth 16:18

ma kar felfelan’ niged gag ni bod rogon nra felfelan’ niged gimed. Girdi’ ni aray rogon e bay rogon ni ngan pining e magaer ngorad.

Matthew 5:7

“Nge felan’ e pi’in yad ma runguy e girdi’, ya ra runguyrad Got!

Psalms 37:26

Gubin ngiyal’ nib gol ngak e girdi’, ma yira ning ban’en ngak ni ku yira fulweg me pi’, ma pifak e ma fel’ rogoy u puluwrad.

Psalms 18:25

A SOMOL, ga ba yul’yul’ ngak e pi’in yad ba yul’yul’ ngom; polo’ fanam fel’ ko pi’in dariy thibngirad.

Nehemiah 13:31

Mu gog ngal’an ni ngu’un fek i yib e l’ud ni fen e maligach ni mo’oruf, nge girdi’ ni ngi i fek e tin nga’on e grain rorad ni maligach nge tin som’on nike lol u wom’ngin e gek’iy rorad. A Got, dab mu pagtalin gubin e pin’ey, ma ga tow’ath nigeg riy.

Nehemiah 13:22

Mu gog ngak e pi Levite ni ngar be’ech nigedyad mranod ra matnagiyed fapi garog ngar guyed ngi i par e Sabbath nib thothup. A Got ku dab mupag talin e biney ni kug rin’ mag teg ndabi buch ban’en rog ni bochan e t’ufeg rom nrib ga’.

Nehemiah 13:14

Got rog, nge par u wun’um gubin e pin’ey ni kug ngongliy ni fan ko Tempel rom nge rogon e liyor riy.

Nehemiah 5:19

Got, gu be meybil ngom ni ngam tay fenamyan ko urngin e pin’en ni ku gu rin’ ni bfel’ ni fan ngak e pi girdi’ ney.

Ruth 1:8

Machane nap’an ni kayad be yan, me ga’ar ngorow, “Mu sulow nga tafenmew ngam pirew rok e gali cha’ ni chitiningmew. Mang e yigi ayuwegmew SOMOL ni bod rogon ni um ayuwegew gag nge pi’in karm’ad.

2 Samuel 2:6

Ere SOMOL e nge runguymed ngi i par nib yul’yul’ ngomed. Ku er rogon gag ni bfel’ e tin ni bay ug rin’ ngomed ni bochan e tin ni kam ngongliyed.

Acts 21:33

Me yan fare pilungen e salthaw ngak Paul, nge fek me yog ni nga nin’ e chen ngak ni l’agruw. Ma aram me fith ni ga’ar, “I mini’ e re mo’on ney, ma mang e ke rin’?”

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

2 Timothy 1:17

ya nap’an ni yigi taw nga Roma me gayeg i gayeg nge pir’egeg.

Jeremiah 39:17

Machane I Gag SOMOL e bay gu yororiyem, nga dab ni pi’em ngak fapi girdi’ ni gab marus ngorad.

Matthew 25:17

Ma ku aram rogon e n’en ni rin’ fare tapigpig ni fa’ani pi’ l’agruw biyu’ e salpiy ni wasey ngak ni ki yagnag reb e l’agruw biyu’ riy.