2 Samuel 9:10 - Bible Ni Thothup

¹⁰ Gur nge pifakam ni pumo’on, nge tapigpig rom e ngu’um wolduguyed e pi binaw nem ni fan ngak e tabinaw rok e masta rom i Saul, mi gimed kunuy e ggan nike yag riy ngam feked i yib ngar kayed. Me Mefiboseth e bay i par ni gubin ngiyal’ ma bay i un ko abich u tebel rog.” (Ziba e ragag nge lal e pumo’on ni fak ma reliw’ e tapigpig rok.)

2 Samuel 9:10 Referans Kwoze

2 Samuel 9:7

Me ga’ar David, “Dab mu rus, ya bay gu par ni gab t’uf rog ni bochan Jonathan ni chitamam. Bay gu fulweg ngom urngin e binaw ni tafen e tutuw rom i Saul, ma bay um par ni gubin ngiyal’ ma ba puf e kanawo’ ngom ni nga mub mu’un ngog ko abich u tebel rog.”

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

Luke 14:15

Ma bay bagayad fapi pumo’on u tebel ni rung’ag e re bugithin ney me ga’ar ngak Jesus, “Ri bayi felan’ e pi’in bay ra pired nga tebel ko gin nsuwon Got!”

2 Kings 25:29

Ma aram minog ngak Jehoyakin nge chuweg madan e kalbus u daken mi i un ngak e en ni pilung ko abich u tebel rok u n’umngin nap’an e yafos rok.

2 Samuel 16:3

Me fith David ni Pilung ngak ni ga’ar, “Bu uw Mefiboseth, ni masta rom, ni Saul e tutuw rok?” Me fulweg Ziba ni ga’ar, “Kabay u Jerusalem, ya be leamnag ni chiney e bayi fulweg piyu Israel ngak e nam nu Israel, ni Saul ni tutuw rok e i gagiyegnag kakrom.”

2 Samuel 21:7

Machane bochan e michmich u fithingan Got ni tay David nge Jonathan, ma de pi’ David Mefibosheth ni be’ ni pumo’on ni fak Jonathan, ni Saul e tutuw rok.

1 Kings 2:7

“Machane ngu’um gol ngak e pi pumo’on ni fak Barzillai nu Gilead, mu um ayuwegrad; ya ur ayuweged gag fa ngiyal’ ni gu be mil rok Absalom ni walagem.

Jeremiah 52:34

Ma yu rran u n’umngin nap’an e yafos rok ni un pi’ ngak e tin ni nge yag ngak.

2 Samuel 19:18

Miyad th’ab e lul’ nga ba’nem ngar chaggad ngak e pi’in yad be un ngak David ni Pilung ma ngar rin’ed e tin ba’adag David ni Pilung. Nap’an ni be fal’eg David ni Pilung rogon ni nge th’ab e lul’, me yib i paraw Shimei u p’eowchen nga but’