2 Samuel 7:25 - Bible Ni Thothup

²⁵ “SOMOL ni Got, mu tay nga tagil’ ni gubin ngiyal’ e tin kamog ni murung’ageg nge murung’agen e pi’in owcheg, ma ga rin’ e tin ni kamog ni bay mu rin’.

2 Samuel 7:25 Referans Kwoze

Psalms 119:49

Mu leamnag e michmich ni mu tay ngog, I gag e tapigpig rom; ya ke pi’ e lagan’ ngog.

Ezekiel 36:37

I SOMOL ni Th’abi Tolang e be ga’ar, “Bay gon’ daken. Bay gu gagiyegnag yu Israel ngar weniggad ngog ni nggu ayuwegrad. Bay gu gagiyeg nagrad ngar pire’ gad ni bod ba ran’ i saf.

Genesis 32:12

Mu tafinaynag fapi thin ni mog ngog ni lungum, ‘Bay gu yal’uweg urngin ban’en u puluwom ma bay gu pi’ ngom owchem ni pire’ ni bod e yan’ u dap’el’ay, ni dabyag i the’egrad ngafen ra yo’orgad.’”

2 Samuel 7:24

Kam tay yu Israel ni ngar pired ni yad e girdi’ rom ndariy n’umngin nap’an, me gur, SOMOL, e kam mang Got rorad.

2 Samuel 7:26

Bay um par nib gilbuguwam ndariy n’umngin nap’an, ma girdi’ e bay i lungurad, ‘I SOMOL ni Gubin ma Rayag Rok e ir e Got rok piyu Israel.’ Ma bay um gagiyegnag ngi i par ni pi’in ni owcheg e gubin ngiyal’ ni yad be pilung.

1 Kings 2:4

Fa’an ga ra fol me SOMOL e ra tay u tagil’ e thin ni micheg ni fa’ani yog ngog ni pi’in owcheg e bay ur gagiyeg niged yu Israel u n’umngin nap’an ni yad be tiyan’rad ngu’ur folwokgad ko tin keyog ni ngu’un rin’ u polo’ i gum’ircha’rad ngu lanin’rad.

1 Kings 8:26

Got nu Israel, gu be wenig ngom ni ngam tay nga tagil’ e re bugithin ney ni mmicheg ngak e chitamag i David ni tapigpig rom.

Psalms 119:38

Mu tay u gil’ e n’en nim micheg ngog, I gag e tapigpig rom, ni fare michmich ni mu tay ko pi’in yad ma fol rom.

1 Samuel 1:23

Me fulweg Elkanah ngak ni ga’ar, “Mu rin’ e tin ga be finey ni ir e bfel’, ma ga par u tabinaw nge yan i mada’ ko ngiyal’ nike pag e thuth. I SOMOL e mang e yigi gagiyegnag nge m’ug ni rriyul’ e n’en kam micheg.” Ma aram me par Hannah u tabinaw rok ngi i tathuthnag fare tir rok.

2 Kronicles 6:17

Ere chiney, SOMOL ni Got nu Israel, mu tay nga gil’ urngin e tin mmicheg ngak e tapigpig rom i David.