2 Samuel 4:8 - Bible Ni Thothup

⁸ Mranow ra dagew fare llug ngak David ni Pilung nu Hebron me lungurow ngak, “Ba’aray lolugen Ishbosheth, ni fare mo’on ni fak e en ni to’ogor rom i Saul, ni i guy rogon ni nge li’em nga mum’. Daba’ e ke pagem SOMOL i gur Pilung ni ngam fulweg taban e kireb rok Saul nge pi’in owchen.”

2 Samuel 4:8 Referans Kwoze

1 Samuel 25:29

Fa’anra cham be’ ngom ni be guy rogon ni nge li’em nga mum’, me SOMOL ni Got rom e bayi tem ndabi buch ban’en rom, ni bod be’ ni pumo’on ni be matnagiy ban’en nrib t’uf mab tolang puluwon. Machane pi to’ogor rom e bayi mangiyrad nga palog, ni bod rogon e malang ni gan e gawul rok be’ ni pumo’on.

2 Samuel 22:48

Ma gagiyeg nigeg ngug gel ngak e pi to’ogor rog; ma tay e girdi’ nga tan pa’ag ngu’ug gagiyeg nagrad,

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”

Matthew 2:20

me ga’ar, “Mu od, ngam fek fare tir nge chitiningin, ngam sulod ko nam nu Israel, ya fa pi’in ur guyed rogon ni ngar li’ed e re tir nir ngem’ e karm’ad.”

Psalms 71:24

Bay ug weliy fanam yul’yul’ ni polo’ e rran, ni bochan e pi’in ur guyed rogon ni ngar maad’adgad ngog e ka ra mo’waergad nike ma’farad.

2 Samuel 18:31

Me taw fa’anem nu Ethiopia me ga’ar ngak David ni Pilung, “Thin ni bfel’ e kug fek i yib ngom! Daba’ e ke gagiyegnag SOMOL kam gel ngak urngin e pi’in ni kar togopluwgad ngom!”

2 Samuel 18:19

Ahimaaz, ni be’ nib mo’on ni Zadok e chitamngin e ga’ar ngak Joab, “Mol’ogeg nggu mil nggu wan ngak David ni Pilung nggu weliy ngak ni SOMOL e ke ayuweg ko pi to’ogor rok.”

1 Samuel 24:4

Me lungurad ngak David, “Irera’ e ngiyal’ ni ngam og ngak! Ya keyog SOMOL ngom ni bayi pi’ e to’ogor rom ngalan pa’am ngam rin’ e tin ni ga ba’adag ngak.” Me pach David i yan nge th’ab bang ko fare mad rok Saul nib n’uw nde nang Saul.

1 Samuel 23:15

Me guy David ni Saul e be gey ni nge thang e fan rok. Me David e immoy u Horesh, ko fagi fithik’ e garger u charen yu Zif.

1 Samuel 20:1

Me mil David u Nayoth ni bay u lan yu Ramah, nge yan ngak Jonathan nge yan i ga’ar ngak, “Ba mang e kug rin’? Ba mang e ren’en nib kireb ni kug ngongliy? Mang e kug bucheg rok e chitamam ni er fan nike leamnag ni nge li’eg nggum’?”

1 Samuel 19:15

Machane me l’ograd Saul ni ngar sulod ngar guyed David nga owcherad. Me ga’ar ngorad, “Mfeked i yib ngaray ni kabay u chob rok nggu li’ ngem’.”

1 Samuel 18:11

Me ga’ar Saul u wan’, “Nggu richibiy ko rungrung,” me pag fare sarey ngak ni l’agruw yay; me pilo’ David riy.

2 Samuel 2:8

Fare tolang ko salthaw rok Saul, i Abner nib mo’on ni fak Ner, e kar milgow Ishbosheth ni be’ ni pumo’on ni fak Saul kar th’abew e lul’ ni Jordan kranow nga Mahanaim.

1 Samuel 19:1

Me weliy Saul ngak Jonathan ni fak nge urngin e pi tolang ko salthaw rok nike m’ay i leamnag rok ni nge li’ David. Machane Jonathan e rib t’uf David,