2 Samuel 24:25 - Bible Ni Thothup

²⁵ Ma aram me toy ba altar ku SOMOL me pi’ e pi maligach ni mo’oruf riy nge pi maligach nma gapaseg thilin Got nge girdi’. Me fulweg SOMOL taban e meybil rok, me chuw fare misilpig u lan yu Israel.

2 Samuel 24:25 Referans Kwoze

2 Samuel 21:14

Ma aram mar k’eyeged yilen Saul nge Jonathan ngalan e malangen e yam’ rok Kish ni chitamngin Saul, u lan yu Zela u lan e gin nib milsuwon ngak Benjamin, pin’ey e go’ fare pilung e keyog ni ngan rin’. Ma tomuren e binem, me fulweg Got taban e pi meybil rorad ni fan ko fare nam.

2 Samuel 24:14

Me ga’ar David, “Kug aw ngabang nike math e liyab ngog! Machane dabug ni girdi’ e nge gechig nageg. Nge mang SOMOL e nge gechig nagdad, ya ir e ba marnguy.”

1 Samuel 7:17

Me sul nga tafen ni bay u Ramah, ngki pithig e oloboch u rom. Me toy ba altar ni fan ngak SOMOL u Ramah.

Genesis 8:20

Me ubung Noah ba altar ni fan ngak SOMOL; mra bmit fapi gamanman nge arche’ nike duwgiliy Got ni ngu’un pi’ ni maligach, me fek reb u fithik’ nge li’ nge urfiy ni polo’ u daken fare altar, ni aram e ke pi’ ni maligach ngak Got.

1 Samuel 7:9

Me li’ Samuel ba pifak e saf me urfiy ni ga’ngin nge pi’ ni maligach ngak SOMOL. Me meybil ngak SOMOL ni nge ayuweg piyu Israel, me fulweg SOMOL taban e meybil rok.

Genesis 22:9

Fa’an rtawgow ko fa gin’en ke weliy Got murung’agen ngak Abraham, me ubung Abraham ba altar riy, me gad e l’ud u daken ni bfel’ rogon. Me m’ag fare pagel ni fak nge tay nga daken fare altar, nike tay nga daken fapi l’ud.

Judges 21:4

Me yan i rran riy nri kakadbul me od e girdi’ ngar toyed ba altar u rom. Miyad pi’ e pi maligach riy nma gapaseg thilin Got nge girdi’ nge boch e maligach ni un urfin ni polo’.

1 Samuel 13:9

me ga’ar Saul ngorad, “Mfeked fapi gamanman i yib ngog nggu urfiy nggu pi’ ni maligach, nge pi maligach ni yima pi’ ni nge gapas thilin Got nge girdi’.” Me urfiy fapi gamanman nge pi’ ni maligach,

1 Samuel 14:35

Me toy Saul ba altar ngak SOMOL, ni aram e bin som’on ni toy.

1 Kings 1:1

David ni Pilung e yan i par ni kari pilibthir, ni yira guluguluy, ma der chuw e ulum rok.

Ezekiel 16:42

Ma aram e bay i m’ay e damumuw rog, mug gapas. Bay dab kug damumuw ara gu talyeg bi’id.

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Numbers 17:13

Fa’anra kemus ni yug ra chuchugur be’ nga tooben fare Tent ma thangri y’im, me’ere go’ gamad ba yam’ e chiney!”

Judges 6:24

Me toy Gideon ba altar u rom ni fan ngak SOMOL, me tunguy fithingan e re altar nem ni ga’ar, “I SOMOL e ir e Gapas.” (Kabay e re altar nem u Ofra, nib mil suwon ngak fare ke girdi’ rok Abiezer.)