2 Samuel 24:10 - Bible Ni Thothup

¹⁰ Machane nga tomuren nike mu’ David i the’eg e girdi’ ni gubin, me par laniyan’ ndariy e gapas riy, me ga’ar ngak SOMOL, “Kug ngongliy ba denen nrib kireb ko ren’ey ni kug rin’! Wenig ngom, mu n’agfan rog. Bbalyang e ngongol ni kug tay.”

2 Samuel 24:10 Referans Kwoze

2 Samuel 12:13

Me ga’ar David, “Kug ngongliy e denen nib togopluw ngak SOMOL.” Me fulweg Nathan ni ga’ar, “I SOMOL e ke n’ag fan e denen rom; ma dab ku mum’.

1 Samuel 13:13

Me fulweg Samuel ni ga’ar, “Ri gab balyang ko binir e pa’ ni kam rin’. Da mfol ko tin keyog SOMOL ni Got rom ngom ni ngam rin’. Fa’an mang e mfol, ma ke tem nge pi’in owchem ngu’um gagiyeg niged piyu Israel ndariy n’umngin nap’an.

Proverbs 28:13

Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.

1 Samuel 24:5

Machane me dabuy David e ren’em nike rin’,

1 John 1:9

Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

2 Kronicles 16:9

I SOMOL e ma fal’eg i yaliy e re fayleng ney ni ga’ngin, ni nge pi’ gelngin e pi’in yad ba yul’yul’ ngak u gumircha’rad. Gab balyang ko tin ka mu rin’, ere bay um par u fithik’ e mael e chiney i yan e ngaram.”

1 Kronicles 21:8

Me ga’ar David ngak Got, “Kug ngongliy ba denen nib ga’ ko ran’ey ni kug rin’! Wenig ngom mun’ag fan rog. Ya kug ngongol u fithik’ e balyang.”

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

John 8:9

Ma nap’an nrung’aged e re bugithin ney ni yog, ma yad gubin nranod ndaki aw ta’a bagayad, nranod ni bayi n’en me yan be’ me ta’aboch miki yan bagayad, ni pi’in pi’ilal u fithik’rad e yad bm’on. Mi ni pag Jesus, ma fare pin e ka yugu bay nib sak’iy u rom.

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Mark 7:22

miyow par be’ ni gathi mabgol rok, me chogow, me rin’ urngin mit e kireb; me sabanban, me puwlag, me awan’, me t’ar e thin nga daken be’, me tolngan’, me balbalyang —

Hosea 14:2

Mu sulod ngak SOMOL, mi gimed meybil ngak ni nge lungumed, “Mu n’ag fan urngin e denen romad, me fel’ u wun’um e meybil romad, ma gamad pining e sorok ngom ni bod ni ku gogned ngom ni gamad ra rin’.

Psalms 32:5

Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

2 Kronicles 32:26

Chane me tomur riy me sobut’nag Hezekiah nge girdi’ nu Jerusalem yad, aram made gechignag SOMOL fapi girdi’ nge taw ko ngiyal’ nike yim’ Hezekiah.

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”

Deuteronomy 32:6

Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

Numbers 12:11

me ga’ar ngak Moses, “Wenig ngom, dab mu pagmow nggu gafgowgow ko re gechigney ni fan e balyang romow.

2 Samuel 24:17

Me guy David fare engel ni be thang e fan rok e girdi’, me ga’ar ngak SOMOL, “I gag e ba kireb e rog. I gag e kug rin’ e kireb. Mang e ke bucheg e pi girdi’ ni gafgow ney? Susun e gag nge tabnaw rog e ngam gechignag.”

1 Kings 8:35

“Ra denen e girdi’ rom ni kar togopluwgad ngom ma ga tel e n’uw rorad ni aram e kam gechig nagrad, miyad kalngan’ ngar pi’ed keru’rad ko kireb miyad sap ko gin ni bay e re Tempel ney riy ngar meybilgad ngom u fithik’ e liyor,

Exodus 10:16

Me l’oeg Farao e thin nib gur nge yan ngak Moses nge Aron ni ngarbow, me ga’ar, “Kug denen nib togopluw ngak SOMOL ni Got romew nge ngomew.

1 Samuel 24:6

me ga’ar ngak e salthaw rok, “I SOMOL e nge ayuwegneg nge dab gu rin’ ban’en ngak e masta rog ni SOMOL e turguy ni nge mang pilung! Thingar dab gu rin’ bochi ban’en ngak, ya ir fare pilung ni SOMOL e ke turguy!”

1 Kronicles 21:7

De fel’ u wan’ Got e tin kan rin’, ma aram me gechignag yu Israel.

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.